"Azərbaycan Prezident İlham Əliyevin rəhbərliyi ilə öz tarixinin ən güclü dövrünü yaşayır" - DEPUTAT

"Məlum olduğu kimi oktyabr ayının 8-də cənab Prezident , Müzəffər Ali Baş Komandan İlham Əliyev Moskvada Müstəqil Dövlətlər Birliyi (MDB) Dövlət Başçıları Şurasının iclasında çıxış edib. Ölkə Başçısı çıxışında 9 May Qələbə gününün MDB-yə üzv dövlətlərin gələcək əməkdaşlığının mühüm amili olduğunu və Azərbaycanın bu əməkdaşlığa böyük əhəmiyyət verdiyini vurğulayıb. Qeyd etmək laızmdır ki, Azərbaycan Respublikası MDB iştirakçı-dövlətləri ilə əməkdaşlığa xüsusi önəm verir. Azərbaycan MDB-nin işində hər zaman yaxından iştirak etməkdə maraqlı olub. Bununla yanaşı, Azərbaycan Respublikası MDB çərçivəsində siyasi, iqtisadi və humanitar sahələrdə ölkəmiz üçün maraq kəsb edən məsələlər üzrə əməkdaşlığın davam etdirilərək, bu təşkilatın iştirakçı-dövlətlər arasında dialoq müstəvisi kimi saxlanılmasında maraqlıdır. Bu baxımdan qeyd etmək lazımdır ki, MDB Humanitar Əməkdaşlıq Şurasının qərarına əsasən, Azərbaycanın Şərqi Zəngəzur bölgəsinin Laçın şəhərinin 2025-ci ildə MDB-nin mədəniyyət paytaxtı elan edilməsi olduqca mühüm əhəmiyyət kəsb edir. Şübhəsiz ki, bu, Prezident İlham Əliyevin rəhbərliyi altında ölkəmizin növbəti uğuru olmaqla yanaşı, işğaldan azad olunan ərazilərimizin dünyada tanıdılması baxımından önəmlidir. Laçının MDB-nin mədəniyyət paytaxtı elan edilməsi həm laçınlılar, həm də bütün Azərbaycan xalqı tərəfindən böyük minnətdarlıqla qarşılanıb".

Bu fikirləri Sonxeber.az-a açıqlamasında Milli Məclisin üzvü Tamam Cəfərova deyib.

Deputat bildirib ki, Laçın Azərbaycanın 30 ilə yaxın müddətdə Ermənistanın işğalı altında olmuş şəhərlərindən biridir və demək olar ki, tamamilə dağıdılmışdı. Xatırladaq ki, mənfur düşmən və onun havadarları danışıqlar prosesində digər rayonların qaytarılmasına vaxt-vaxt "razılıq" versələr də Laçın rayonunu heç vaxt güzəştə getməyəcəklərini bildirirdilər. Bütün bunlara baxmayaraq, cənab Prezident İlham Əliyevin sarsılmaz siyasi iradəsi və xalqın birliyi nəticəsində Vətən müharibəsində qazanılan hərbi-siyasi qələbə düşməni kaptulyasiya aktını imzalamağa məcbur etdi. Nəticədə, Laçın rayonu bir güllə atmadan siyasi yolla işğaldan azad olundur. Və bu gün dövlətimiz işğaldan azad olunmuş digər ərazilərimizdə olduğu kimi Laçında da bərpa-quruculuq işlərini uğurla həyata keçirir. Bu gün Laçın artıq bərpa olunub. Burada yeni həyat başlayıb, keçmiş məcburi köçkünlər qayıdıblar.

Cənab Prezident İlham Əliyev MDB DÖvlət Başçıları Şurasının iclasındakı çıxışı zamanı Azərbaycanın COP29 iqlim konfransına ev sahibliyi edəcəyinə də diqqət çəkib. O deyib: "Bir aydan sonra Bakı ən böyük beynəlxalq tədbirə - COP29 iqlim konfransına ev sahibliyi edəcək. Biz 200-ə yaxın ölkənin bu konfransın Bakıda keçirilməsi haqqında yekdil qərarını bütün dünya ictimaiyyətinin Azərbaycana hörmətinin əlaməti kimi qiymətləndiririk". Qeyd etmək laızmdır ki, beynəlxalq münasibətlər sistemində çətin və mürəkkəb proseslərin getdiyi bir vaxtda ölkəmizin öz mövqeyini gücləndirməsi, həmçinin, geopolitik mərkəzə çevrilməsi Azərbaycanın qlobal siyasi güc olaraq nüfuzunu daha da artırır. Dünyanın aparıcı dövlətlərinin Azərbaycanla sıx strateji əlaqələr və əməkdaşlıqlar qurmaqda maraqlı olmaları bunun bariz nümunəsidir. Ölkəni dünya birliyi üçün cəlbedici edən cəhətlərdən ən önəmlisi onun beynəlxalq imicidir. Bu kontekstdən çıxış edən beynəlxalq təşkilatlar öz tədbirlərini keçirərkən ölkənin imkanları və resursları ilə yanaşı, qlobal miqyasda onun mövqelərini də nəzərə alırlar. Bu vaxtadək Azərbaycanda beynəlxalq təşkilatların çoxlu sayda siyasi, iqtisadi və humanitar mövzularda tədbirləri keçirilib. Əminliklə, deyə bilərik ki, Azərbaycan beynəlxalq tədbirlərin keçirildiyi unikal məkandır. Çoxsaylı tədbirlərin ən mötəbər ünvanına çevrilən respublikamız bunların hamısına layiqincə ev sahibliyi edib. Bu il isə Azərbaycan ən böyük beynəlxalq tədbirə - BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi edəcək. COP-29 kimi nüfuzlu, qlobal əhəmiyyətli tədbirin məhz Bakıda keçirilməsinə dair qərarı dünya ölkələri dəstəkləməklə, Azərbaycana növbəti dəfə böyük etimad və hörmət göstərdiklərini nümayiş etdirmişlər. Əminliklə deyə bilərik ki, Azərbaycan Prezident İlham Əliyevin rəhbərliyi ilə öz tarixinin ən güclü dövrünü yaşayır".

Deputat vurğulayıb ki, 21 il əvvəl Azərbaycan xalqı müdrik seçim edərək, Ulu Öndərimizin siyasi kursuna və dahi şəxsiyyətin layiqli davamçısı İlham Əliyevə səs verd:

"Ötən hər il xalqın öz seçimində yanılmadığını təsdiqləməkdədir. Yeni əsrin yeni lideri İlham Əliyev bu 21 ildə Azərbaycanı həm siyasi-iqtisadi, həm də hərbi cəhətdən qüdrətli, dünyada sözü keçən dövlətə çevirdi. Qüdrətli ordu, güclü iqtisadiyyat, beynəlxalq arenada önəmli mövqe, müstəqil xarici siyasət və qalib ölkə. Bu, öz tarixinin ən güclü dövrünü yaşayan Azərbaycanın bugünkü reallıqlarıdır. Cənab İlham Əliyev tutduğu yolla Azərbaycan xalqını illərdən bəri həsrətində olduğu qələbəyə apardı. Prezident, Ali Baş Komandan İlham Əliyevin ətrafında birləşən xalqımızın və Ordumuzun gücü ilə Vətən müharibəsi Zəfərlə sona çatdı. Son iki əsrlik tarixin heç bir dönəmində, dünyanın heç bir ölkəsində görünməyən nadir bir hadisə - işğal edilmiş torpaqların hərb yolu ilə geri qaytarılması baş verdi. Dövlətçilik tariximizin Müstəqilliyin Bərpası, Dövlət Bayrağı və Milli Dirçəliş günləri kimi şərəf salnamələri sırasına ən möhtəşəmi, hər xalqa nəsib olmayan yeni əlamətdar tarixi gün - Zəfər Günü yazıldı. Xalqımızı qalib edən, Ulu Öndərin müqəddəs vəsiyyətini, ümdə arzusunu yerinə yetirən Prezident İlham Əliyev müdrik lider, qalib sərkərdə, böyük strateq kimi adını Azərbaycanın dövlətçilik tarixinə qızıl hərflərlə yazdı".

Telegramda izləyin