"Ölkəmizin uğurlu inkişafı cənab Prezident İlham Əliyevin adı ilə bağlıdır" - DEPUTAT

Cənab Prezident İlham Azərbaycanın çox əsrlik dövlətçilik ənənələrinin formalaşdırdığı nadir, fenomen siyasi şəxsiyyətlərdən biridir. O, atalarımızdan bizə miras qalan "türk dövlətsiz olmaz" prinsipi əsasında ölkəmizi uğurlardan-uğura aparır.
Bu gün Azərbaycan Cənubi Qafqaz regionu ilə yanaşı, dünyanın ən güclü dövlətlərindən biridir. İstər siyasi, istər iqtisadi, istərsə də uğurlu idarəçilik modeli fonunda Azərbaycan dünyada öz sözünü deməkdədir. Təbii ki, ölkəmizin uğurlu inkişafı birmənalı olaraq Ulu Öndər Heydər Əliyev siyasi kursunun layiqli davamçısı cənab Prezident İlham Əliyevin adı ilə bağlıdır.

İyirmi bir il bundan əvvəl Ümummilli liderimiz Heydər Əliyev qarşıdan gələn prezident seçkilərində xalqı özünün siyasi varisi İlham Əliyevi dəstəkləməyə çağırdı. Ulu Öndər, cənab Prezident İlham Əliyevin yüksək intellektli, müasir dünya siyasətini və beynəlxalq əlaqələri dərindən bilən, praqmatik və təşəbbüskar siyasətçi olduğunu bildiyi üçün, memarı və qurucusu olduğu Azərbaycanı yalnız ona əmanət edə bilərdi.
Azərbaycan xalqı da öz növbəsində seçkilər zamanı gələcək lideri kimi ölkə başçımız cənab İlham Əliyevə etimad göstərməklə taleh yüklü məsələlərdə bir daha öz qəti mövqeyini ortaya qoydu.

Müzəffər Ali Baş Komandanımız İlham Əliyevin 21 illik dövlət başçısı kimi fəaliyyətini izlədikdə bir sıra mühüm töhvələr önə çıxır.

1.İqtisadi inkişaf: Cənab Prezident İlham Əliyev Azərbaycan iqtisadiyyatının diversifikasiyası, neft-qaz sektorunun inkişafı və qeyri-neft sektorunun gücləndirilməsi istiqamətində bir sıra mühüm islahatlar həyata keçirmişdir. Ölkə başçısının ölkəyə xarici investisiyaların cəlb edilməsi kontekstində gördüyü işlər bu gün öz müsbət təsirlərini göstərərməkdədir.

2.Müasir İnfrastruktur: Azərbaycan coğrafi mövqeyinə görə Şərqdən-Qərbə və Şimaldan Cənuba uzanan beynəlxalq nəqliyyat-kommunikasiya dəhlizləri üzərində yerləşir. Əsası Ulu Öndər Heydər Əliyev tərəfindən qoyulan enerji və nəqliyyat şəbəkələrinin şaxələndirilməsi siyasəti dövlət rəhbərimiz İlham Əliyev tərəfindən inkişaf etdirilərək Azərbaycanı artıq strateji dövlət kimi tanıdıb, ölkənin infrastrukturunun, hava limanlarının və nəqliyyat sisteminin təkmilləşdirilməsini prioritet məsələlərdən biri kimi müəyyən etmişdir. Bu həm daxili, həm də beynəlxalq əlaqələrin inkişafı aspektində olduqca əhəmiyyətlidir.

3.Sosial Layihələr: Prezident İlham Əliyev əhalinin sosial rifahının yüksəldilməsi üçün bir çox layihələr həyata keçirməkdədir. Bu layihələr arasında sosial yardım proqramları, təhsil və səhiyyənin inkişafı kimi sahələr öndə qərarlaşır.

4.Qarabağ münaqişəsinin həlli: Cənab Prezident İlham Əliyev Ermənistan-Azərbaycan keçmiş Dağlıq Qarabağ münaqişəsinin həllində həlledici rol oynamışdır. 2020-ci il Vətən Müharibəsində qazandığımız tarixi qələbə onun siyasi və hərbi lider kimi şah əsəridir.

5.Beynəlxalq enerji layihələri: Azərbaycan ölkə başçısı cənab İlham Əliyevin təşəbbüskarı olduğu Cənub Qaz Dəhlizi və TANAP/TAP kimi beynəlxalq əhəmiyyətli enerji layihələrini gerçəkləşdirməklə Avropanın enerji təhlükəsizliyində mühüm rol oynamışdır.

Müzəffər Ali Baş komandan İlham Əliyevin fəaliyyəti ayrı-ayrı istiqamətlər üzrə inkişafın təmin edilməsi baxımından geniş əhatəlidir və bu, Azərbaycanın gələcək inkişafına yönəlmiş strateji planlarla dəstəklənir.

Günay Ağamalı

Milli Məclisin deputatı, Ana Vətən Partiyasının sədr müavini.

Telegramda izləyin