Azərbaycanda paytaxtın metrosu TECHNONICOL şirkətinin flaqman materiallarının tətbiqi ilə inkişaf etməkdədir

Bakının "8 Noyabr" metro stansiyasının tunelinin uzunömürlü və etibarlı hidroizolyasiyasını LOGICBASE PVX membranı təmin edir.
Bakı Metropoliteni (Azərbaycan) mərhələli şəkildə inkişaf etməkdədir. Gələcəkdə Bakı Metropoliteni şəbəkəsinin 76 stansiyadan və 119 kilometr uzunluğunda xətlərdən ibarət olması planlaşdırılır. 2016-cı ildə yeni Bənövşəyi xəttin istifadəyə verilməsi ilə mütəmadi olaraq yeni stansiyalar açılmaqdadır. Bu stansiyalardan biri "8 Noyabr" stansiyasıdır. Stansiyanın uzunluğu 350 metrdən çoxdur. Bu, şəhər mərkəzini uzaq ərazilərlə birləşdirən Bakı nəqliyyat şəbəkəsinin əhəmiyyətli hissəsidir.
Metro stansiyası yüksək məsuliyyət daşıyan tikili hesab edilir. Onun inşası xüsusən də yeraltı hidroizolyasiya üçün etibarlı və effektiv materialların tətbiqini tələb edirdi. Belə ki, yeraltı sular maneə ilə qarşılaşmadıqda, tikiliyə mənfi təsir göstərərək su sızıntılarına, zamanla isə böyük dağıntılara və sərnişinlər, həmçinin işçilər üçün təhlükəyə səbəb ola bilər. Bu səbəbdən hidroizolyasiya qatı üçün TexnoNikol şirkətinin müasir və etibarlı tikinti materialı olan LOGICBASE membranı seçilmişdir.
LOGICBASE membranları yüksək möhkəmlik, elastiklik, torpaqda və yeraltı sularda olan kimyəvi maddələrə qarşı davamlılıq xüsusiyyətlərinə malikdir. Qeyd etmək lazımdır ki, bu material köklərin torpağın dərinliklərinə uzanmasına, eləcə də radon və metan kimi qazların nüfuz etməsinə qarşı davamlıdır ki, bu da yeraltı tikililər üçün aktualdır. PVX membranlarının qaynar hava üsulu ilə qaynaq olunması prosesi sadə və təhlükəsizdir. Quraşdırma texnologiyasına düzgün riayət edildikdə, membran tamamilə yeraltı suların güclü təzyiqinə qarşı hermetik və etibarlı şəkildə qorumanı təmin edir.
Bundan əlavə, LOGICBASE membranından yüksək seysmik şəraitdə istifadə etmək tövsiyə olunur ki, bu da Bakı üçün aktualdır. Membran yüksək uzanma əmsalına (sukeçirməzliyini itirmədən), dartılma zamanı yüksək möhkəmliyə, uzun xidmət müddətinə malik olmaqla yanaşı, dövri çoxoxlu yüklərə qarşı dayanıqlıdır. Bütün bu xüsusiyyətlər "8 Noyabr" stansiyasının ümumi təhlükəsizlik səviyyəsini əhəmiyyətli dərəcədə artırır.
Ümumilikdə, bu obyekt üçün LOGICBASE membranının tətbiq sahəsi 11200 kv.m təşkil etmişdir.

Telegramda izləyin