Dövlət evlərini su basmış vətəndaşlara kompensasiya ödəyəcək? – AÇIQLAMA

Şiddətli yağışlar vətəndaşların şəxsi mülklərinə də zərər vermədən ötməyib. Belə ki, paytaxtın bəzi ərazilərində yaşayış evlərini su basıb. Bəs görəsən dövlət evlərini su basmış vətəndaşlara kompensasiya ödəyəcəkmi?

Mövzu ilə bağlı Sonxeber.az – a açıqlama verən iqtisadçı Xalid Kərimli bildirib ki, bu gözlənilmir:

"Dövlət evini su basan insanlara kompensasiya ödəməyəcək. Bu gözlənilmir. Çünki vətəndaşlara deyilib və hətta tələb də edilib ki, əmlakınızı icbari sığorta edin. Bunu etməyənlər üçün cərimə müəyyənləşdirilməyib. Amma əmlakın icbari sığorta məsələsi var ki, daşqın, su basma, zəlzələ kimi hadisələrdə kompensasiya ödənilir. Daha doğrusu kimin sığortası varsa, ona dəymiş zərəri qarşılanır. Sığortası olmayanlar üçün isə dövlətin edəcəyi bir şey yoxdur".

Çiçək Sadatova

Telegramda izləyin