"Hicaz" kolbasa şirkəti cərimələnir

"Hicaz" markalı kolbasa və ət məhsulları istehsalçısı "Hicaz 313" MMC ilə bağlı cərimə protokolu tərtib edilib.

Məlumata görə MMC-nin İnzibati Xətalar Məcəlləsinin gömrük qaydaları əleyhinə olan 485.2-ci maddəsini pozduğu məlum olub. Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.

Kolbasa istehsalçısı ilə bağlı iş baxılması üçün Binəqədi rayon məhkəməsinə göndərilib. 31 oktyabr tarixində hakim Elçin Ağayevin sədrliyi ilə işə baxılacaq.

Qeyd edək ki, hüquqşünaslar bu maddənin pozulması ilə şirkətlərin cərimələnməsini haqlı hesab edirlər. Mütəxəssislər bildirir ki, hər bir şirkətin, sahibkarın borcudur ki, mal barədə əvvəlcədən gömrük orqanlarına elektron məlumat versin:

Sahibkarlar, şirkətlər xaricdən mal gətirdərkən qabaqcadan gömrük orqanlarına elektron şəkildə məlumat verməlidir. Gömrük orqanları əvvəlcədən məlumatlı olmalıdır ki, kimin, hansı şirkətin malı gələcək. Sahibkarın, şirkətin borcudur ki, elektron məlumat versin gömrük orqanlarına.
Hüquqşünasla hesab edir ki, bu şirkətin öz məsuliyyətsizliyi səbəbindən baş verir və onlar elektron məlumat verməyi unudurlar. Bu şirkətin öz işinə etinasız yanaşmasından irəli gəlir. Şirkət məsuliyyətsizlik edir və nəticədə də cərimələnir.

Qeyd edək ki, "Hicaz 313" MMC-nin ötən il də 4 tona yaxın kolbasa məhsulu istifadəyə yararsız olduğu üçün məhv edilmişdi. Şirkətin satış müdiri Əli əfərovdur. Tribunainfo.az

Qarşı tərəfi dinləməyə hazırıq.

Telegramda izləyin