Azərbaycanda bahalaşan və ucuzlaşan məhsulların SİYAHISI
2024-cü ilin oktyabr ayında istehlak qiymətləri indeksi 2023-cü ilin oktyabr ayına nisbətən 103.4 faiz, o cümlədən qida məhsulları, içkilər və tütün məmulatları üzrə 102.6 faiz, qeyri-qida məhsulları üzrə 102.1 faiz, əhaliyə göstərilmiş ödənişli xidmətlər üzrə 105.8 faiz təşkil edib.
Sonxeber.az xəbər verir ki, bu barədə Dövlət Statistika Komitəsi (DSK) məlumat yayıb.
Bildirilib ki, 2024-cü ilin oktyabr ayında istehlak qiymətləri indeksi əvvəlki aya nisbətən 100.3 faiz, yanvar-oktyabr aylarında isə əvvəlki ilin müvafiq dövrünə nisbətən 101.7 faiz təşkil edib.
2024-cü ilin oktyabr ayında qida məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 100.5 faiz, yanvar-oktyabr aylarında isə əvvəlki ilin müvafiq dövrünə nisbətən 100.6 faiz olub.
Cari ilin oktyabr ayında əvvəlki aya nisbətən ayrı-ayrı qida məhsullarından daha çox bahalaşma uzun və yumru düyünün, mal və qoyun ətinin, kolbasa məmulatlarının, xamanın, qatığın, pendirin, kərə yağının, yumurtanın, üzümün, ağ kələmin, pomidorun, şirin bibərin, badımcanın, yerkökünün, sarımsağın, soğanın, kartofun, ucuzlaşma isə unun, qarabaşaq yarmasının, makaron məmulatlarının, marqarinin, qarğıdalı yağının, limonun, naringinin, almanın, heyvanın, narın, kivinin, xiyarın, göy lobyanın, balqabağın, şəkər tozunun qiymətlərində müşahidə olunub. Digər qida məhsullarının qiymətlərində ciddi dəyişikliklər baş verməyib.
2024-cü ilin oktyabr ayında qeyri-qida malları üzrə istehlak qiymətləri indeksi əvvəlki aya nisbətən 100.3 faiz, yanvar-oktyabr aylarında isə əvvəlki ilin müvafiq dövrünə nisbətən 101.5 faiz təşkil edib. Oktyabr ayında əvvəlki ayla müqayisədə qeyri-qida mallarından bahalaşma xalçaların, inşaat materiallarının, zərgərlik məmulatlarının qiymətlərində müşahidə olunub. Digər qeyri-qida mallarının qiymətlərində ciddi dəyişikliklər baş verməyib.
2024-cü ilin oktyabr ayında əhaliyə göstərilmiş ödənişli xidmətlər üzrə istehlak qiymətləri indeksi əvvəlki aya nisbətən 100.1 faiz, yanvar-oktyabr aylarında isə əvvəlki ilin müvafiq dövrünə nisbətən 103.6 faiz təşkil edib. Oktyabr ayında əvvəlki ayla müqayisədə əhaliyə göstərilmiş ödənişli xidmətlərdən bahalaşma əsasən mənzillərin kirayə haqlarının, hava nəqliyyatı ilə MDB ölkələrinə sərnişindaşıma xidmətlərinin, ucuzlaşma isə hava nəqliyyatı ilə MDB ölkələri istisna olmaqla digər ölkələrə sərnişindaşıma xidmətlərinin qiymətlərində müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Beş gün ardıcıl İŞ OLMAYACAQ - TARİXLƏR
Azərbaycanda Novruz bayramı ilə bağlı ƏNƏNƏ DƏYİŞDİ - SƏBƏB
Qızıl və gümüşü olanlara ŞAD XƏBƏR
Dünya bu gün 1 saat işıqsız qalacaq
Yağıntılı hava BU TARİXƏ KİMİ DAVAM EDƏCƏK
Rasim Balayevin cənazəsi gecə təyyarə ilə İstanbuldan Bakıya göndəriləcək - VİDEO+YENİLƏNİB
Qızıl rekord həddə yaxınlaşır
Bakı səhəri belə açdı - Yağışlı yollardan yeni görüntülər
Murad Dadaşov evindən VİDEO PAYLAŞDI
SON DƏQİQƏ! Əhaliyə hava ilə bağlı XƏBƏRDARLIQ EDİLDİ - GÜCLÜ KÜLƏK...
Nanə əməliyyat olundu
Bakıda iki əsrə yaxın yaşı olan bina qəzalı vəziyyətə düşüb
Azərbaycanda pensiya yaşı dəyişir? - BELƏ OLA BİLƏR…