"Parlamentlər iqlim dəyişikliyinin yerlərdə yaratdığı problemləri ön plana çıxarmaqla bu prosesin həllində aparıcı rol oynayır" - DEPUTAT

"BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası - COP29 çərçivəsində noyabrın 16-da Bakıda
Parlamentlərarası İttifaq və Milli Məclisin birgə təşkilatçılığı ilə Parlament Görüşləri keçirildi.Açılış görüşündə 66 ölkədən və beynəlxalq təşkilatlardan 330-dək iştirakçının qatıldığı tədbirdə 12 spiker və vitse-spiker olmaqla, 160-dan çox parlament üzvü iştirak etdi".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, parlament deputatları yerlərdə vətəndaşlarla birbaşa ünsiyyətdə olurlar:

"Bu səbəbdən də iqlim dəyişikliyinin fəsadlarını, dağıdıcı təsirlərinin yerindəcə görüb təhlil edə həlli, yollarında qanunverici təşəbbüslərlə çıxış edə bilirik. Bir növ parlamentlər iqlim dəyişikliyinin yerlərdə yaratdığı problemləri ön plana çıxarmaqla bu prosesin həllində aparıcı rol oynayır. Parlamentlərimiz hökumətlərimizə iqlimlə bağlı fəaliyyətin inkişafında dəstək olmaq üçün qanunvericilik, büdcə və ya nəzarət vasitəsilə lazım olan alətlərə malikdirlər. Bu səbəbdən də məlum sahədə parlamentlərin birgə fəaliyyəti olduqca vacibdir. Parlamentlərin bu birgə fəaliyyəti enerji keçidi və yaşıl enerjinin inkişafıyla bağlı yeni qanunlar qəbul etməyə yönələcəkdir".

Telegramda izləyin