"Parlamentlər iqlim dəyişikliyi ilə mübarizədə fəal rol oynayırlar" - DEPUTAT

"Azərbaycan COP29-a yüksək səviyyədə ev sahibliyi edir. Aparılan müzakirələr, əldə olunan razılaşmalar, qəbul edilən qərarlar deməyə əsas verir ki, Bakı platforması öz işini peşəkarlıqla qura və konfrans iştrakçılarını heyrətləndirə bildi. Bu, Azərbaycan dövlətinin Beynəlxalq səviyyədə gücünü, potensialını və imkanlarını bir daha nümayiş etdirdi".

Bunu Sonxeber.az-a danışan Milli Məclisin deputatı, Ana Vətən Partiyasının sədr müavini Günay Ağamalı

Deputat qeyd edib ki, bir qayda olaraq, Parlamentlər iqlim dəyişikliyi ilə mübarizədə fəal rol oynayırlar və bu baxımdan qanunvericilik bazasının təkmilləşdirilməsi, yenilənə bilən enerji mənbələrinin inkişafını təşviq edən qanunların hazırlanaraq, qəbul edilməsi ciddi əhəmiyyət kəsb edir:

"COP29 çərçivəsində Parlamentlərarası İttifaq və Azərbaycan Milli Məclisinin birgə təşkilatçılığı ilə "Parlament Görüşü" dinləmələrinin keçirilməsi məhz iqlim dəyişikliyi ilə mübarizədə ölkəmizin növbəti uğurlu töhfəsi oldu.

Digər vacib bir məqam, iqlim dəyişiklikləri ilə mübarizədə maliyyə resurslarının vacib önəm daşımasıdır. İki günlük
Parlament müzakirələrində sözügedən məsələ ətrafında geniş diskussiya aparıldı və çoxsaylı təkliflər verildi. Xüsusilə qeyd olundu ki, geniş maliyyə imkanları iqlim dəyişikliyi ilə bağlı tədqiqatların, texnoloji yeniliklərin, yaşıl layihələrin reallaşması üçün qrantların və maliyyə dəstəyinin təmin olunmasına öz müsbət təsirini göstərərdi.

Müzakirələrdə qeyd olundu ki, Beynəlxalq iqlim razılaşmalarına dəstək verilməsi və bu baxımdan əməkdaşlığın genişləndirilməsi Parlamentlər qarşısında duran prioritet vəzifələrdən biridir.

"Parlament görüşü" ndə iqtisadi inkişafla ekoloji davamlılığın vəhdətinə xidmət edən strategiyanın hazırlanması və həyata keçirilməsi ilə bağlı təkliflər dünyanı gözləyən katakrizmlərdən qorumaqla yanaşı, həm də təmiz, yeni iş yerlərinin yaradılmasına geniş imkanlar açardı".

Telegramda izləyin