"Ermənistan bəlli tarixi-siyasi proseslər fonunda Qərbi Azərbaycan torpaqlarında qurulmuş proje dövlətidir" - DEPUTAT

"Ermənistan baş naziri Nikol Paşinyanın mifik Qərbi Ermənistan anlayışı ilə tarixi əsasları olan Qərbi Azərbaycan həqiqətlərini eyniləşdirməsi qəbuledilməzdir".

Bunu Sonxeber.az-a danışan Milli Məclisin deputatı, Ana Vətən Vətən Partiyasının sədr müavini Günay Ağamalı bildirib.

Deputat qeyd edib ki, Ermənistan bəlli tarixi-siyasi proseslər fonunda Qərbi Azərbaycan torpaqlarında qurulmuş proje dövlətidir:

"Ermənistanın qurulmasında məqsəd türk dünyası arasında əlaqələri kəsmək və Rusiyanın maraqlarına xidmət edən xristian dövlətin yaradılması idi.Görünür İrəvan rəhbərliyi Cənab Prezident İlham Əliyevin Qərbi Azərbaycan həqiqətləri ilə bağlı rasional, dəyişməz və prinsipal mövqeyindən narahatdır və ritorikanı fərqli anlayışlarla eyniləşdirmək istəyir. Bu yolverilməz olmaqla yanaşı həqiqətlərin təhrifidir. Ermənistanın Qərbi Azərbaycanla bağlı həqiqətləri görməzdən gəlməsi, beynəlxalq müstəvidə hələ də bu məsələ ilə bağlı ədalətli və obyektiv yanaşmanın olmaması kimi dəyərləndirilməlidir. Tarixi və hüquqi baxımdan mübahisəli bölgələrdəki vəziyyətlər, cəmiyyətlər arasında anlayış və dialoq olmadan həll edilə bilməz. Tarix və geopolitika kontekstində bu mübahisələrin hər iki tərəf üçün əhəmiyyətini dərk etmək və açıq müzakirələr aparmaq gələcəkdə sülh və təhlükəsizliyin bərqərar olması üçün vacibdir. Məhz bu səbəbdən Ermənistan rəhbərliyinin dialoqyönümlü mövqe nümayiş etdirməsi zəruridir".

Telegramda izləyin