"Ermənistanın Müstəqillik Bəyannaməsindən və digər sənədlərdən Azərbaycana qarşı ərazi iddialarını aradan qaldırılmalıdır"- DEPUTAT

"Ermənistanın Baş Naziri Qərbi Azərbaycanı "Qərbi Ermənistan" ifadəsi ilə eyni tutmağa çalışaraq qeyri-adekvat bir müqayisə aparıb".

Bunu Sonxeber.az-a danışan deputat Pərvanə Vəliyeva bildirib.

Deputat qeyd edib ki, Qərbi Azərbaycan icması Ermənistandan deportasiya olunmuş azərbaycanlıların öz vətəninə geri qayıdışı ilə bağlı çağırışlar edən bir cəmiyyət olaraq, həmçinin, geri qayıdışın fundamental insan hüququ olmasını təbliğ edir:

""Qərbi Ermənistan" isə ərazi iddiasını təmsil edir. Bu ərazi iddiası, Ermənistana aid Müstəqillik Bəyannaməsində öz əksini tapır və 2010-cu ildə Ermənistan Konstitusiya Məhkəməsi tərəfindən Ermənistanla Türkiyə arasında mövcud sərhədləri mübahisələndirmək və bu sərhədlərin tanınmasını "Zurich Protokolları" adı altında rədd etmək üçün istifadə olunub.

Qərbi Azərbaycan İcması, deportasiya olunmuş Qərbi azərbaycanlıların geri qayıdışı ilə bağlı dialoqu başlatmaq üçün Ermənistan hökumətinə dəfələrlə müraciət edib, bu isə beynəlxalq hüququn norma və prinsiplərinə, o cümlədən dövlətlərin ərazi bütövlüyü və suverenliyinə hörmət edilməsi ilə tam uyğun gəlir.Belə yanlış müqayisələr aparmaqdansa, Baş Nazir İcmanın dialoq çağırışlarına müsbət yanaşmalı, deportasiya olunmuş Qərbi azərbaycanlıların təhlükəsiz və ləyaqətli şəkildə geri dönüşünü təmin etməli, və Ermənistanın Müstəqillik
Bəyannaməsindən və digər sənədlərdən Azərbaycan və Türkiyəyə qarşı ərazi iddialarını aradan qaldırmalıdır".

Telegramda izləyin