"Ermənistanın əhatə etdiyi ərazilər vaxtilə azərbaycanlıların sıx şəkildə məskunlaşdıqları doğma torpaqları olub" - DEPUTAT

"Ermənilərin dövlət yaratmaq üçün ilk cəhdləri məhz Qərbi Azərbaycan torpaqlarını işğal edib, yiyələnməyə hesablanmışdı".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, bütün tarixi mənbələr sübut edir ki, hazırkı Ermənistanın əhatə etdiyi ərazilər vaxtilə azərbaycanlıların sıx şəkildə məskunlaşdıqları doğma torpaqları olmuşdur:

"Tarixi xəritələrə istinadən bu ərazilərin yer adları və insan məskənləri açıq şəkildə göstərilmişdir. Son iki əsrdə Qafqazda azərbaycanlılara qarşı həyata keçirilən etnik təmizləmə siyasəti nəticəsində azərbaycanlılar ağır məhrumiyyətlərlə üzləşərək, milli faciəyə məruz qalmışdılar. Qərbi Azərbaycanın əsl sakinləri Azərbaycan türkləri olmuşdur. Azərbaycan türkləri indiki Ermənistan ərazilərində e.ə. II əsrdən yaşamağa başlamışlar.
Bu ərazilərin ən qədim tarixini araşdırdıqda isə burada yaşayan ilk qədim tayfalardan biri kimmerlər olduğu aşkarlanır. Kimmerlər isə qədim türk tayfasıdır. Bunu Azərbaycan tarixçiləri öz təxəyyülərinin nəticəsi olaraq qeyd etmilər. Əksər şərqşünaslar, bu ərazidə araşdırmalar aparan səyyahlar və görkəmli tarixçilərin də yekun qənaəti olaraq qeyd edilirk ki, indiki Ermənistan əraziləri məhz qədimdən Azərbaycan türklərinə aid olmuşdur. Sözsüz ki, bu faktı əsaslı şəkildə sübut edən amillərdən biri tarixi toponimlərdir. Hətta indiki Ermənistan Respublikasının paytaxtı İrəvan yaxınlığında Qəmərli və Eçmiədzin rayonları deyilən yer adları var ki, qədim kimmer türk tayfasının adını özündə əks etdirir. Tarixi mənbələr bir daha təsdiqləyir ki, indiki Ermənistan torpaqları qədim türk ərazilərdir".

Deputat vurğulayıb ki, təcavüzkar erməni millətçiləri tərəfindən xalqımıza qarşı iki yüz ilə yaxın bir dövrdə yeridilən soyqırımı siyasətinin nəticəsində azərbaycanlılar tədricən doğma torpaqlarından qovulub, onların ərazilərində başqa ölkələrdən köçürülmüş ermənilər məskunlaşdırılıb:

"Həm Gülüstan, həm də Türkmənçay müqavilələri Qərbi və cənubi azərbaycanlılara qarşı xəyanət toru idi. Qafqazda azərbaycanlılara qarşı aparılan məqsədyönlü soyqırımı siyasəti bu xalqın tarixində silinməz ağır izlər qoydu. Bu bir həqiqətdir ki, Qərbi Azərbaycan bizim bütöv Azərbaycanın bir parçasıdır.
Son zamanlar Ermənistan hakimiyyətinin və siyasətçilərinin dəfələrlə dilə gətirdiyi Qərbi Ermənistan məsələsi isə Azərbaycanla nə qədim nə də indiki dövürdə heç bir şəkildə əlaqəli ola bilməz. Hər şeydən əvvəl tarixi yaxşı araşdırmaları vacib olan erməni rəsmiləri bilməlidirlər ki, bu cəhdləri sadəcə təxribatdır. Bu gün dilə gətirilən Qərbi Ermənistan ifadəsi Qərbi Azərbaycanla eyniləşdirilməsi yolverilməzdir. Qərbi Ermənistanı olub olmaması ermənilərin öz aralarında belə hələ müzakirə obyektidirsə, düşünürəm ki, bu barədə danışmağa və Qərbi Azərbaycanın tarixi ilə eyniləşdirilməsinə qəti şəkildə yol verə bilmərik".

Telegramda izləyin