Bu kənddə bir dollara ev almaq olar

İtaliyanın Sardiniya adasındakı Ollolai kəndinin rəhbərliyi amerikalıları bura köçməyə və bir dollara ev almağa dəvət edib.

Lent.az-ın xarici mediaya istinadən məlumatına görə, kənd, bir neçə onilliklər ərzində əhalisinin azalmasından sonra, öz rifahını bərpa etməyə çalışır. Ötən əsrdə Ollolai əhalisi 2250 nəfərdən 1150 nəfərə qədər azalıb. Bir çox ailə iş və yaxşı həyat dalınca kəndi tərk edib.

Kənd rəhbərliyi turistləri buraya köçməyə dəvət edib və hələ 2018-ci ildə uçuq-sökük evləri minimal qiymətə satmağa başlayıb, lakin cəmi on bina alınıb.

Noyabrın 5-də başa çatan seçkilərdən sonra bir çox amerikalı seçilmiş prezidentdən narazıdır. Ollolai hakimiyyəti qərara gəlib ki, bu, əhalinin azalması probleminin əla həllidir və ABŞ vətəndaşlarına yönəlmiş vebsayt yaradılıb. "Qlobal siyasətdən bezmisiniz? Yeni imkanlar təqdim edərkən daha balanslı bir həyat tərzi yaşamaq istəyirsiniz? Sardiniyanın heyrətamiz cənnətində Avropa qaçışınızı qurmağa başlamağın vaxtı gəldi", - əsas səhifədə deyilir.

Mer Françesko Kolombonun sözlərinə görə, heç kim başqa ölkələrin vətəndaşlarına bir dollara ev almaq üçün müraciət etməyi qadağan etmir, lakin ABŞ sakinlərinin namizədləri nəzərdən keçirməsi daha sürətli olacaq.

Hazırda üç növ mənzil mövcuddur: rəqəmsal köçərilər üçün pulsuz müvəqqəti evlər (rəqəmsal telekommunikasiya texnologiyaları vasitəsilə işləyən insanlar), bir dollara təmirə ehtiyacı olan evlər və qiyməti 105.000 dollara qədər olan köçməyə hazır evlər.

Kolombo, mövcud evlərə fərdi ekskursiyaların təşkilindən tutmuş podratçılar, inşaatçıların tapılması və lazımi sənədləşmə işlərinin tamamlanmasına qədər, satın almanın hər mərhələsində maraqlı alıcılara rəhbərlik edəcək xüsusi bir komanda yaradıb. O, həmçinin əlavə edib ki, yaxın vaxtlarda ucuz qiymətə mənzillərin fotoşəkilləri və planları saytda dərc olunacaq.

Telegramda izləyin