Ev heyvanlarının satışı ilə məşğul olan şəxslər cəzalandırıla bilərmi? - AÇIQLAMA

Sosial şəbəkələrdə tez-tez heyvan satışı edən mağazalarla qarşılaşırıq. Belə ki, bəzi vətəndaşlar cins heyvanları sadəcə cütləşdirib doğulan balaları satmaq üçün saxlayırlar. Qısaca, heyvanların həyatını biznesə çevirirlər.

Bəs bu şəxslərin etdikləri nə dərəcədə doğrudur? Qanun buna nə deyir?

Mövzu ilə bağlı heyvan hüquqları müdafiəçisi Hicran Məmmədova Sonxeber.az – a açıqlama verib:

"Avropada heç bir zoomağazada satışda heyvan görə bilməzsiniz. Orda heyvana satış malı kimi baxılmır. Bunu edənlərin isə lisenziyası var və bütün satışlar qanunla həyata keçirilir. Bizdə isə heyvana pul mənbəyi kimi baxılır. Bu əməli törədənlərin heç birində nə insanlıq var, nə də insaf. İnəyə, qoyuna baxanda yemək fikirləşirlər, itə və pişiyə baxanda isə pul. Amma onların da canlı olduğunu fikirləşmirlər. Cins heyvanları qan bağı olan qohumları ilə cütləşdirib satırlar. Halbuki, bunun özü böyük cinayətdir. Bəzi cins heyvanları qan bağı olan qohumları ilə cütləşdirmək olmaz. Çünki, bu halda onların balaları genetik xəstəliklərlə doğulur. Ayaqları işləmir, gözləri görmür və.s. Amma pula işləyən adamları bu heç maraqlandırmır. Ona görə də bu, bizim ölkədə mütləq qadağan olunmalıdır. Bu yaxınlarda bir şəxs Alabay itini tərəfindən parçalanndı. O şəxs itləri cütləşdirib satırdı. Nəhayət elə həmin it tərəfindən parçalandı. Bunun səbəbi heyvana qarşı olan amansız rəftardır".

Çiçək Sadatova

Telegramda izləyin