"İsveçrənin ölkəmizə qarşı qəbul etdiyi qətnamə digərləri kimi kağız parçasından başqa bir şey deyil" - Emil Əkbərov

"İsveçrə parlamentinin aşağı palatasının ölkəmiz qarşı qəbul etdiyi qətnamə iki ölkə arasındakı dostluq əlaqələrinə zərbədi".

Bunu Sonxeber.az-a danışan "BİG Media"MMC-nin direktoru Emil Əkbərov bildirib.

Emil Əkbərov qeyd edib ki, qətnamədə yer alanlar ölkəmizə atılan şər-böhtandan başqa bir şey deyil:

"Görünür, İsveçrənin bu qətnaməni qəbul etməsində Fransanın rolu böyükdür. Fransa açıq-aşkar qərb dövlətlərini Azərbaycana qarşı başlatdığı qərəzli kampaniya qoşulmağa məcbur edir. Məqsəd də aydındır. Makron sadəcə öz ölkəsində itirdiyi nüfuzunu erməni lobbisinin gücü ilə yenidən bərpa etməyə çalışır. İsveçrənin də Vətən müharibəsindən sonra bəzi qərb dövlətləri tərəfindən aparılan "səlib yürüşü"nə qoşulması bizi təəccübləndirmədi. Son dövrlər qərbin ölkəmiz qarşı qəbul edilən qətnamələrin əsas məqsədi Cənubi Qafqazda bərpa edilən sabitliyi pozmaq və Azərbaycan-Ermənistan münasibətləri yenidən gərginləşdirməkdir".

Emil Əkbərov vurğulayıb ki, Azərbaycana olan ikili münasibət tək ölkəmizə deyil həm də birbaşa regionda sülhə qarşı yönəlmiş addımdır:

"Bu gün Azərbaycan 44 Vətən müharibəsindən əldə etdiyi möhtəşəm zəfərdən sonra Cənubi Qafqazda və beynəlxalq aləmdə cərəyan edən proseslərə təsir göstərmək imkanı qazanıb. Ölkəmizin nüfuzunun günbəgün artması bəzi qərb dövlətləri narahat edir. 4 ildir ki, bəzi qərb dövlətləri 30 ilə yaxın ölkəmizə qarşı təzyiq aləti kimi istifadə etdiyi Dağlıq Qarabağ münaqişəsinin bitdiyi ilə barışa bilmir. Məhz bu səbəbdən ölkəmizə qarşı qərəzli qətnamələr qəbul edir, açıqlamalar verirlər. Amma heç bir qətnamə və aparılan qərəzli kampaniyalar bizi yolumuzdan döndərə bilməz. Eləcə də İsveçrə parlamentinin aşağı palatasının ölkəmizə qarşı qəbul etdiyi qətnamə. Bu qətnamə də digərləri kimi kağız parçasından başqa bir şey deyil".

Telegramda izləyin