"İnanıram ki, bu görüşmə gələcəkdə yeni biznes layihələrinin qurulmasına təkan verəcək" - Nigar Ələsgərova

"ATİB-in təşkilatçılığı ilə OSTİM Orqanize Sanayi Bölgəsinin tərəfdaşlığı nəticəsində Türkiyə və Azərbaycan iş adamları arasında B2B dediyimiz biznes görüşməsi həyata keçirilir. Ümumiyyətlə, Türkiyə və Azərbaycan arasındakı münasibətlər tarixi köklər malikdir".

Bunu Sonxeber.az-a bu gün Azərbaycan və Türkiyə iş adamları arasında baş tutan B2B görüşü ilə bağlı KOBSKA-nın təsisçisi Nigar Ələsgərova danışıb.

O, açıqlamasında qeyd edib ki, Türkiyədən 20-dən çox iş adamı görüşə gəlibdir:

"Müxtəlif istiqamətlərdə, o cümlədən sahibkarlıq sahəsində də iki ölkə arasında çox ciddi əməkdaşlıq mövcuddur. Ölkələrin qarşısında da prioritetlərdəndir ki, iqtisadi əməkdaşlıq daha da gücləndirilsin və ticarət dövriyyəsinin məbləği artırılsın. O səbəbdəndir ki, burada həm tibbi, həm enerji, həm də dəmir yollarına aid sektorlar təmsil olunurlar. Azərbaycandan təxminən 50-dən çox sahibkar, Türkiyədən gələn 20-dən çox iş adamı ilə görüşə gəlibdir. İnanıram ki, bu görüşmə və tanışlıq gələcəkdə yeni biznes layihələrinin qurulmasına təkan verəcəkdir".

Vüsalə İbrahimli

Telegramda izləyin