Qanunsuz kreditlə satış edən mağaza sahibləri cəzalandırıla bilərmi? - AÇIQLAMA

Son günlər tez-tez kreditlə paltar, kosmetika, ev əşyaları və.s satan mağazalar görürük. Bəs görəsən banksız kredit satışı etmək qanunidirmi?

Vəkil Rəşad Əliyev mövzu ilə bağlı Sonxeber.az – a açıqlama verib:

"Mağazaların bir-başa kredit müqaviləsi imzalamaq səlahiyyəti yoxdur. Çünki kredit verilməsi üçün bu, lisenziyalaşdırılmalıdır. Kredit üçün ya bank, ya da bank olmayan kredit təşkilatı olmalıdır. Mağazalar kredit adı ilə təklif etdikləri məhsulu yalnız nisiyə alqı-satqı müqaviləsi əsasında həyata keçirə bilərlər. Bu halda müştəri ilə satıcı arasında müqavilə imzalanır və orda göstərilir ki, hər ay ərzində nə qədər ödəniş olunacaq. Həmin müqaviləyə əsasında alqı-satqı münasibətləri baş tutur. Ancaq, mağazaların özlərinin hansısa məhsulu kredit kimi təklif etməsi qanunvericiliklə zidiyyət təşkil edir".

Çiçək Sadatova

Telegramda izləyin