"2024-cü ildə idmançılarımızın əldə etdikləri nailiyyətlər Azərbaycanın idman ölkəsi kimi nüfuzunu daha da artırdı:" - DEPUTAT

"Azərbaycan dövlətinin idmana göstərdiyi diqqət və qayğı sayəsində Azərbaycan beynəlxalq arenada güclü idman ölkəsi kimi tanınır".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, 2024-cü ildə idmançılarımızın əldə etdikləri nailiyyətlər Azərbaycanın idman ölkəsi kimi nüfuzunu daha da artırdı:

"Cənab Prezidentin 20204 – cü ilin idman yekunlarına həsr olunan konfransda da qeyd etdiyi kimi, 2024-cü il də Azərbaycan idmanı üçün uğurlu olmuşdur. Dövlətimizin uğurlu idman siyasəti nəticəsində qarşıdakı ildə də idman qələbələrimizin davam edəcəyinə heç bir şübhə yoxdur.

Prezident İlham Əliyevin idmançılara və məşqçilərə yüksək qiymət verməsi gənc nəsili idmanın inkişafı naminə çalışmağa daha da həvəsləndirir. Dövlətimizin başçısı idmançıların sosial vəziyyətinə xüsusi diqqət yetirir ki, bu da onların beynəlxalq arenada uğurlar qazanmasına böyük stimuldur".

Deputat vurğulayıb ki, Azərbaycanın ikinci böyük şəhəri olan Gəncədə yeni müasir idman sarayı tikilib:

"Prezident İlham Əliyev bununla bağlı çıxışında bildirdi ki, üçüncü MDB Oyunlarında 7 min idmançının iştirakı gözlənilir. Bu beynəlxalq yarışa da Gəncə ev sahibliyi edəcəkdir. Düşünürəmki, bununlada artıq beynəlxalq yarış və tədbirlərin paytaxdan uzaqlaşdırıb regionlara daşımağın ən gözəl nümünəsi reallaşacaqdır. Artıq ölkəmizdə regionlar elə bir inkişaf mərhələsinə çatır ki, bu bölgələr beynəlxalq yarışlara ev sahibliyi edir".

Telegramda izləyin