"2024-cü il bütün sahələrdə olduğu kimi ölkə idmanında tərəqqisi və inkişafı ilə yadda qaldı" - DEPUTAT

Sağlam və vətənpərvər gəncliyin yetişdirilməsi, onların milli ruhda tərbiyə alması cənab Prezident İlham Əliyevin siyasətinin prioritetləri sırasındadır.

Dövlət rəhbərinin diqqət və qayğısı nəticəsində Azərbaycanın hər bir şəhər və rayonunda müasir standartlara cavab verən idman kompleksləri tikilərək vətəndaşların istifadəsinə verilmişdir. Ardıcıl və sistemli şəkildə həyata keçirilən işlər, xüsusilə, mötəbər idman tədbirləri "1-ci Avropa Oyunları, İslam Həmrəylik Oyunları" kimi beynəlxalq səviyyəli yarışların yüksək səviyyədə təşkil edilməsi ölkə idmanın inkişafını stimullaşdıran faktorlardandır.

Geridə qoyduğumuz 2024-cü il bütün sahələrdə olduğu kimi ölkə idmanında tərəqqisi və inkişafı ilə yadda qaldı. Müxtəlif idman növləri üzrə keçirilən yarışlarda Azərbaycanı təmsil edən idmançılarımız cari il ərzində 1700-ə yaxın medal qazanmaqla görülən işlərin məntiqi nəticəsini təsdiq etdilər.

İlin ən böyük yarışı olan Yay Olimpiya oyunlarında komandamızın uğurlu nəticələri, dünya sıralamasında 30-cu, İslam dövlətləri arasında isə 3-cü pillədə yer alması Azərbaycanda idmanın yüksək səviyyədə inkişafının göstəricisidir. Bu olduqca böyük və tarixi nəticədir.
Qazanılan uğurlar və nailiyyətlər cənab Prezident İlham Əliyevin sözügedən sahənin inkişafına yönələn dəstəyinin göstəricisidir.

Günay Ağamalı

Milli Məclisin deputatı, Ana Vətən Partiyasının sədr müavini.

Telegramda izləyin