Direktorun meyiti işlədiyi məktəbdən tapıldı

Xızıda məktəb direktorunun meyiti işlədiyi məktəbdən tapılıb.

Sonxeber.az APA-ya istinadən xəbər verir ki, hadisə Xızı şəhər tam orta məktəbdə qeydə alınıb.

Belə ki, 1959-cu il təvəllüdlü Fazil İsmayıl oğlu Məmmədovun axşam yaşadığı ünvandan idman etmək məqsədilə çıxdığı bildirilib.

Lakin bu gün səhər saatlarında direktorun meyiti işlədiyi məktəbdə tapılıb.

Meyit aidiyyəti üzrə təhvil verilib, fakt araşdırılır.

***

Hadisə ilə bağlı Abşeron-Xızı Regional Təhsil İdarəsindən sorğumuza cavab olaraq bildirilib ki, bu gün səhər saatlarında Xızı şəhər tam orta məktəbin direktoru Fazil Məmmədov vəfat edib: "Hadisə barədə dərhal aidiyyəti qurumlara məlumat verilib, hazırda hüquq-mühafizə orqanları məsələ ilə bağlı araşdırma aparır. Tibbi-ekspertiza yekunlaşdıqdan sonra ölümün dəqiq səbəbləri məlum olacaq".

Telegramda izləyin