"Prezident İlham Əliyevin aviaqəza baş verdiyi andan atdığı addımlar onun xalqımızın maraqlarını hər şeydən üstün tutmasının sübutudu"

Dekabrın 29-da cənab Prezident İlham Əliyevin Azərbaycan Televiziyasına verdiyi müsahibə 2024-cü il dekabrın 25-də Bakı-Qroznı reysini yerinə yetirən AZAL-a məxsus "Embraer 190" tipli sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə bağlı bir çox qaranlıq məqamlara aydınlıq gətirdi".

Bunu Sonxeber.az-a danışan deputat Fariz İsmayılzadə bildirib

Deputat qeyd edib ki, AZAL-a məxsus "Embraer 190" tipli sərnişin təyyarəsinin Qazaxıstanın Aktau şəhəri yaxınlığında qəzaya uğradığı andan cənab prezident İlham Əliyevin fəaliyyəti çox təqdirə layiq oldu:

"Cənab prezident İlham Əliyev növbəti dəfə dövlətimizin və xalqımızın maraqları hər şeydən üstün tutdu. O, Rusiyanın Sankt-Peterburq şəhərinə səfərə gedərkən yolda təyyarədə qəza barədə məlumat alan kimi dərhal Bakıya geri qayıdır və Bakı hava limanında operativ müşavirə keçirərək baş vermiş hadisənin operativ araşdırılması ilə bağlı öz tapşırıqlarını verir. Dövlət başçısının Rusiya səfərindən imtina edərək dərhal ölkəyə geri qayıtması onun hər bir vətəndaşımıza verdiyi yüksək dəyərin növbəti sübutudur".

Deputat vurğulayıb ki, Rusiyanın davranışı ilə bağlı prinsipial mövqe tutaraq dekabrın 29-da Azərbaycan Televiziyasına verdiyi müsahibə ilə xalqımızın və dövlətimizin mövqeyini çox sərt şəkildə dünyaya çatdırdı:

"Məhz ölkə başçısının yüksək diplomatik qabiliyyəti və yüksək liderlik qabiliyyəti nəticəsində Rusiya üzr istəməli oldu. Bütün bunlar Azərbaycanın növbəti diplomatik qələbəsidir.Təyyarə qəzasında həlak olan, öz canları bahasına onlarla sərnişinin həyatını xilas edən qəhrəman pilotların və ekipaj üzvlərinin əməyini yüksək qiymətləndirilməsi və onlara "Azərbaycanın Milli Qəhrəmanı" adının verilməsi təqdirəlayiq addım idi. Cənab prezident İlham Əliyevin onların əməyini yüksək qiymətləndirməsi xalqımızın arzusu idi. Cənab Prezident İlham Əliyevin bu addımı ilə növbəti dəfə insanlarımızın arzusunu reallaşdırdı".

Telegramda izləyin