"Makron regionda suları yenidən bulandırmaqla özünün itmiş nüfuzunu Cənubi Qafqaz üzərindən bərpa etməyə çalışır" - DEPUTAT

"6 yanvar 2025-ci ildə Fransa prezidenti Emmanuel Makronun səfirlər konfransında çıxışı zamanı Azərbaycanla bağlı səsləndirdiyi fikirləri ölkəmizə qarşı olan düşmən baxışlarının bir daha ifadəsidir. Çünki, Makron Ermənistana münasibətdə Rusiya müttəfiqlik münasibətlərində dəyişiklik edərək Azərbaycanın fəaliyyətini dəstəklədiyini qeyd edib. Makron çox yaxşı bilir ki, 44 günlük müharibə Azərbaycanın suveren ərazilərində aparılmışdır və heç bir ölkə gəlib torpaqlarımızda bizə qarşı müharibə apara bilməzdi. Əgər belə olsaydı bu hərbi təcavüz sayılardı. Ona görə də Ermənistana onun müttəfiqləri hərbi sursat dəstəyi göstərsə də döyüş meydanında gəlib ordumuzla üz-üzə dayanıb vuruşmadılar".

Bunu Sonxeber.az-a danışan deputat Azər Badamov bildirib.

Deputat qeyd edib ki, Makronun yanvarın 6-da keçirilən konfransda səsləndirdiyi fikirlər absurddur və Ermənistanda Rusiyanı gözdən salmasına hesablanmışdır:

"Makron digər fikrində Fransanın özü son aylarda bir çox dənizaşırı ərazilərində, xüsusilə də Yeni Kaledoniyada Azərbaycan tərəfindən qəbuledilməz müdaxilələrlə hücumlara məruz qaldığını qeyd edir. Amma Makron başa düşmür ki, güc hesabına beynəlxalq hüquqda haqlı tərəf olmaq olmaz. Dənizaşırı ölkələrin azad yaşamaq istəmələri onların təməl hüquqlarıdır. Makron dənizaşırı ölkələrdəki uğursuz siyasətinin günahını Azərbaycanın üzərinə atmaqla özü yaxasını kənara çəkməyə çalışır. Burda Azərbaycanın heç bir rolu yoxdur. Eləcə də Kanaklar. Kanakların Fransa əsarətindən azad olmasına çalışması normaldır. Azərbaycan sadəcə beynəlxalq ictimaiyyətin bir üzvü olaraq dünyada hüquq normaların və ədalətin bərpa olunmasını həmişə açıq şəkildə dəstəklədiyini bəyan edir. Burda bizim yeganə istəyimiz beynəlxalq hüquq normalara riayət olunmasını və ədalətin dəstəklənməsidir. Amma təəssüf ki, Makron beynəlxalq hüquq və normaları ancaq silah da. Ona görə də Ermənistanı öldürücü silahlarla silahlandırırmaqla regiona sülhün gəlməsinə mane olmağına çalışır".

Deputat vurğulayıb ki, əgər Fransa sülhü dəstəkləyən ədalətli ölkə olsaydı 30 il torpaqlarımız işğal altında olanda, 1 milyondan çox soydaşımız öz yurdlarından qaçqın və köçkün salınanda , xalqımıza qarşı soyqırımlar törədiləndə Ermənistana qarşı hər hansı bir qərar qəbul edərdi və ya da bir çağırış olunardı:

"Təəssüf ki, Fransada ədaləti dəstəkləyən belə bir hərəkəti heç vaxt görmədik. İndi isə Azərbaycan öz ərazilərində suverenliyini bərpa edərək keçmiş məcburi köçkünləri öz doğma yurdlarına qaytarmaqla bölgəyə sülhün gəlməsinə çalışanda Makron regionda suları yenidən bulandırmaqla özünün itmiş nüfuzunu Cənubi Qafqaz üzərində çirkin planlar qurmaqla bərpa etməyə çalışır. Amma Makrona onun çirkin planları kömək etməyəcək. Fransanın özündə respondentlərin 60%-i Makrona etimadını itirdiyini qeyd edirlər. Bu baxımdan Makron anti-Azərbaycan açıqlamalar vermək, Ermənistanı silahlandırmaq əvəzinə ədalətli mövqeyə keçsə gələcəkdə heç olmasa bir düzgün yanaşma etmiş dövlət başçısı kimi tarixə düşə bilər. Təbii ki , onun hakimiyyətinin bitməsinə o qədər də çox qalmayıb. Zamanı gələndə o da Fransanın ən bacarıqsız prezidenti kimi tarixin arxivinə qovuşacaq".

Telegramda izləyin