"Cənab Prezident İlham Əliyevin qətiyyətli qərarları sayəsində Rusiya dövlətimizin tələblərini yerinə yetirməli olacaq" - DEPUTAT

"Cənab Prezident İlham Əliyev Azərbaycan Hava Yolları QSC-nin Bakıdan Qroznıya uçan təyyarəsinin Aktauda qəzaya uğraması zaman həlak olan ekipaj heyətinin ailə üzvləri və sağ qalan bələdçilərlə görüşüb.Düşünürəmki, cənab prezident İlham Əliyevim görüşdəki çıxışı bir daha cəmiyyətimiz tərəfindən təqdirə layiq hal kimi alqışlanacaqdır".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, Azərbaycan Prezidentinin qətiyyətli və geriçəkilməz qərarları, prinsipiallığı ilə Rusiyanın törətdiyi ağır cinayətə görə, beynəlxalq hüquqa uyğun olaraq zəruri tələbləri yerinə yetirməli olacağına heç bir şübhə yoxdur:

"Əsas tələblərdən birincisi yerinə yetirilib, Rusiya tərəfi Azərbaycandan üzr istəyib. İkincisi, öz günahını etiraf etməlidir. Üçüncüsü, günahkarları cəzalandırmalıdır, cinayət məsuliyyətinə cəlb etməlidir, Azərbaycan dövlətinə və zərərçəkən sərnişin və ekipaj üzvlərinə təzminat ödəməlidir. Demək olarki, dövlətimizin şərtləri aydın və eyni zamanda ədalətlidir. Hər kəsə də məlumdur ki, Azərbaycan Respublikasının Prezidenti İlham Əliyev ilk gündən kəskin mövqeyi ədalətin bərpası, həqiqətin üzrə çıxarılması istiqamətində öz qəti sözünü deməsi sayəsində qarşı tərəf geri çəkilməyə, öz məsuliyyətini dərk etməyə məcbur oldu".

Deputat vurğulayıb ki, Azərbaycanın dövlət başçısının siyasi qətiyyətindəki digər vacib məqam Rusiya tərəfinin təklif etdiyi Dövlətlərarası Aviasiya Komitəsinin ekspertlərinin qəzanın araşdırılması prosesindən kənarlaşdırılmasında oldu:

"Qəzanın təfərrüatlarının tam, obyektiv və hərtərəfli araşdırılması üçün beynəlxalq ekspertlərdən ibarət qrupun işə cəlb edilməsi Azərbaycanın istəyi ilə təmin olundu.Təyyarə qəzasında həlak olan üç ekipaj üzvünün II Fəxri xiyabanda dəfn olunması isə dövlətin vətən övladlarına verdiyi böyük dəyərdir. Dövlət başçısının imzaladığı müvafiq sərəncama əsasən, sərnişinlərin həyatının xilas edilməsində yüksək peşəkarlıq, şücaət və fədakarlıq göstərdiklərinə görə, İqor Kşnyakin, Aleksandr Kalyaninov və Hökumə Əliyevanın "Azərbaycanın Milli Qəhrəmanı" adı ilə, eləcə də Zülfiqar Əsədov və Aydan Rəhimlinin 1-ci dərəcəli "Rəşadət" ordeni ilə təltif etməsi isə xalqımızın qəhrəmanlığına verilən dəyərin növbəti təzahürdür".

Telegramda izləyin