"Fransa tarix boyu öz yerləşdiyi coğrafiyadan min kilometrlərlə uzaqda yerləşən regionlara nüfuz etməyi vərdiş edib" - DEPUTAT

"Fransanın müvafiq şirkətləri ilə Ermənistan rəhbərliyi arasında snayper tüfənglərinin alınmasına dair saziş imzalanıb.Fransa naziri 2024-cü il ərzində erməni hərbçilərinə dağ-döyüş hazırlığı kurslarının (3 sayda) təşkil edildiyini elan edib".

Bunu Sonxeber.az-a danışan Milli Məclisin deputatı Pərvanə Vəliyeva bildirib.

Deputat qeyd edib ki, Fransa naziri Ermənistana səfəri zamanı təlim məşğələlərini izləyib:

"Hətta Fransa və Ermənistan nazirlərin 2023 və 2024-cü il görüşlərində Müdafiə islahatları kontekstində, hərbi məsələlər üzrə fransalı müşavirin Ermənistan Müdafiə nazirliyinə 2024-cü ildə ezam olunduğunu bildirilib. 17 iyun 2024-cü ildə Ermənistan müdafiə nazirinin Fransaya səfəri zamanı hərbi sahədə yeni müqavilələr imzalanıb. Bu silah və sursat, həmçinin xeyli sayda tank əleyhinə sistemlərin bir hissəsi artıq Ermənistana çatdırılıb.

Bu kimi daha onlarla fakt mövcuddur və Fransanın Ermənistana 2023-cü il illik hərbi yardımı milyon dollarla ölçülürdü. Bu silahlanmanın məqsədi Ermənistan rəhbərliyini və xalqını revanşizm ideyaları ilə bəsləmək, Cənubi Qafqazda sabitliyi pozmaq, bitmiş münaqişəni alovlandırmaqdan ibarətdir".

Deputat vurğulayıb ki, Fransa tarix boyu öz yerləşdiyi coğrafiyadan min kilometrlərlə uzaqda yerləşən regionlara nüfuz etməyi vərdiş edib:

"Necə ki, Avropa İttifaqı missiyasının Azərbaycanla sərhəddə yerləşməsinin əsas təşəbbüskarı Makron hakimiyyətidir, bununla da, Cənubi Qafqaz regionundan Ermənistan vasitəsilə çıxmamağı güdür, eləcə də, dünyanın 4 okeanında özünə Ekskluziv İqtisadi Zona yaratmaq məqsədilə dənizaşırı ərazilərdə yerli xalqların azadlıqlarını, milli kimliyini, tarixini, irsini məhv edərək neo-kolonializm siyasəti aparır.
Makron zülmündən təngə gəlmiş, 21-ci əsrdə kolonializmə məruz qalan yerli xalqlar müstəqillik əldə etmək, öz milli kimliyinə qovuşmaq, tarixini, mədəni irsini yaşatmaq imkanı əldə etmək üçün əzmlə mübarizə aparırlar. Müstəmləkəçilikdən qurtulmaq, müstəqillik əldə etmək üçün çalışan yerli xalqlara, hərəkatlara dəstək olmaq məqsədinə xidmət edən bir qeyri-hökumət təşkilatının fəaliyyətini ölkənin daxili işlərinə qarışmaq adlandıran Makronun iddiası isə absurddur".

Telegramda izləyin