LAÇIN SAKİNİ İCRA BAŞÇISINDAN ŞİKAYƏTÇİDİR – "Deyirlər ki, get, hara istəyirsən şikayət et"

Laçın rayonu, Ağcakənd kənd sakini Nəcəfov Fədai Bəylər oğlu tərəfindən Hurriyyet.az saytının redaksiyasına şikayət məktubu daxil olub. İşsizlikdən şikayət edən F.Nəcəfov yazır ki, dəfəgələrlə raon İcra Hakimiyyətinə müraciət etsə də, kömək olunmur:

"Mən, Nəcəfov Fədai Bəylər oğlu, yazaraq sizdən xahiş edirəm ki, problemimi işıqlandırasınız.

Laçın rayonu, 144 saylı Şeylanlı qəsəbəsində yaşayıram. Heç bir dövlət müəsisəsində işləmirəm. Ailədə 2 nəfərik, 60 manat çörək pulu alırıq. Bu məbləğ heç kommunal xərcləri ödəmir.

Bununla bağlı dəfələrlə İcra Hakimiyyətinin başçısı Aqil Nəzərlinin və müavini Tofiq Mirzəyevin qəbulunda olub işsizliyimizdən şikayətlənmişik. Xadimə işi üçün müraciət etmişik. İcradan bizə deyirlər ki, sizə iş yoxdur, hara istəyirsən get şikayət et.

Biz vətəndaşlar hara şikayət edəcəyimizi bilmirik.

Sizin sayt vasitəsilə bir daha İcra Hakimiyyətindən xahiş edirik ki, işlə təmin edilməmisə dəstək olsunlar".

Telegramda izləyin