"Levon Ter-Petrosyanın çıxışı bir daha Ermənistanın vandal və terrorçu ölkə olduğunu sübut edir" - DEPUTAT

Ermənistanın sabiq prezidenti Levon Ter-Petrosyanın 23 iyul 1993-cü ildə etdiyi çıxışın ortaya çıxmış videoyazısı ermənilərin Azərbaycan torpaqlarında total və sistematik etnik təmizləmə həyata keçirdiyinin növbəti sübutudur".

Bunu Sonxeber.az-a danışan deputat Vüqar İskəndərov bildirib.

Deputat qeyd edib ki, tarix boyu ermənilər azərbaycanlılara qarşı müxtəlif cinayətlər, terror və soyqırım aktları törədiblər:

""Böyuk Ermənistan" xülyasına düşən, başqa xalqların torpaqları hesabına dövlət quran ermənilər son iki əsr ərzində azərbaycanlılara və digər xalqlara qarşı bəşəriyyətə, insanlığa yaraşmayan qanlı əməllər, cinayətlər və terror aktları həyata keçiriblər. Ötən əsr boyunca qərbi azərbaycanlıları öz ata-baba yurdundan dörd dəfə deportasiya edən Ermənistanın cəzasız qalması Azərbaycan ərazi iddialarına və 20 faiz torpaqlarımızın 30 il ərzində işğal altında qalmasına səbəb oldu. 44 günlük Vətən müharibəsində və 1 günlük anti-terror əməliyyatı nəticəsində Azərbaycanın öz torpaqlarını işğaldan azad edərək ədaləti bərpa etməsi regionda sülh üçün münbit şərait yaranıb. 44 günlük Vətən müharibəsində əldə etdiyimiz zəfər qərbi azərbaycanlılarda öz evlərinə sülh və təhlükəsiz şəkildə qayıtmaq ümidini daha da artırdı.1987-1991-ci illərdə 300 minə yaxın azərbaycanlı öz doğma yurdundan zorla qovulub.Levon Ter-Petrosyanın çıxışı bir daha Ermənistanın vandal və terrorçu ölkə olduğunu, xalq olaraq xaosdan, terrordan qidalandığını bir daha sübut etmiş oldu".

Deputat vurğulayıb ki, qərbi Azərbaycana qayıdış soydaşlarımızın təbii hüququdur və Ermənistan üzərinə götürdüyü öhdəlikləri yerinə yetirməlidir:

"Biz Qərbi Azərbaycan İcmasının BMT Baş Assambleyası və Təhlükəsizlik Şurası başda olmaqla, digər nüfuzlu təşkilatlara ünvanlandığı müraciətlərdə beynəlxalq ictimaiyyətdən bu məsələyə ədalətli yanaşma tələb edirik. Dövlətimizdə qərbi Azərbaycanda bizə məxsus tarixi abidələrin, mədəni irsin məhv edilməsinə dair kifayət qədər faktlar mövcuddur. Cənab Prezident İlham Əliyevin vurğuladığı kimi qərbi Azərbaycan bizim tarixi torpağımızdır, bunu bir çox tarixi sənədlər, tarixi xəritələr də təsdiqləyir. Gec-tez soydaşlarımız öz doğma yurdlarına geri qayıdacaqlar".

Telegramda izləyin