Ermənistan sülh gündəliyinə süni maneələr yaratmağa çalışır

Prezident İlham Əliyev yanvarın 7-də yerli televiziya kanallarına müsahibə zamanı Ermənistanın silahlanması məsələsinə toxunub.

Ermənistanın silahlanması məsələsi, prezidentin müsahibəsində mütləq diqqəti çəkib və ölkənin təhlükəsizliyini təmin etmək üçün atdığı addımları, həmçinin regional təhlükəsizlik şəraitində və qonşu ölkələrlə münasibətlərdə silahlanma siyasətinin əhəmiyyətini vurğulayıb.

Prezident İlham Əliyev: "Vətən müharibəsi, Azərbaycan ilə Ermənistan arasında şərti sərhədin müəyyən dərəcədə dəqiqləşdirilməsi, antiterror əməliyyatı və Qazax rayonunun dörd kəndinin keçən il qaytarılması məsələsini bildirdi. Onlardan biri hələ Sovet İttifaqı dövründə, 1990-cı ildə işğal olunmuşdu, digər üçü 1992-ci ilin yazında işğal edilmişdi. Beləliklə, ötən ilin fevralında Münxendə Ermənistanın baş naziri ilə görüşdə bu məsələ monoloq şəklində qoyulmasını və beləliklə, təkcə delimitasiya üzrə deyil, həm də sərhədin demarkasiyası işində yaxşı ilk addım idi. Lakin buna baxmayaraq, Ermənistanda gedən silahlanma prosesi əlbəttə ki, Cənubi Qafqaz üçün yeni təhdid amilidir. Bu barədə Ermənistan rəhbərliyinə dəfələrlə bildirilmişdir ki, bu, yeni təhlükə yarada bilər".

Azərbaycanın sülh müqaviləsi üzrə təkliflər paketinə Ermənistan XİN-in cavabının 2 aydan çox gecikdirilməsi, Ermənistanın sülh danışıqlarını Rusiyanın iştirakı olmadan, Avropadakı platformalarda üçüncü ölkələrin iştirakı ilə aparılması və s. istəkləri prosesdə tormozlayıcı effekt yaratdı.

Göründüyü kimi, sülh və regional sabitlikdən danışan Ermənistan sülh müqaviləsinin imzalanmasını süni şəkildə ləngidir və sürətlə hərbləşməyə gedir. Baş nazir Paşinyanın da bildirdiyi kimi, ölkəsinin ciddi hərbləşmə siyasəti apardığını, son illərdə bir neçə milyard dollarlıq silah tədarükü müqavilələri imzalandığını, hərbi sənayeni inkişaf etdirdiyini nəzərə alaraq, Ermənistanın sülh prosesinə ciddi yanaşdığını iddia etməsi siyasi manipulyasiyadır. Bu kimi qərəzli bəyanatlar bölgənin beynəlxalq hüququn norma və prinsiplərinə hörmət əsasında gələcək inkişafı və tərəqqisinə maneçilikdir.

Beləliklə, xarici himayədarlarının təsiri altında revanşizmə meyllənən Ermənistan danışıqları faktiki olaraq sabotaj etməyə və sülh gündəliyinə süni maneələr yaratmağa çalışır. Paşinyan hakimiyyətinin bu siyasətini davam etdirməsi nəinki Ermənistanı əbədi dalanda saxlayacaq, həm də ona artıq təsirindən çıxmağa başladığı dəmir yumruğun gücünü yenidən görməsinə səbəb ola bilər.

Şahin Seyidzadə
Milli Məclisin deputatı

Telegramda izləyin