"Tramvay və trolleybussuz şəhər nəqliyyatını təsəvvür etmək çətindir" - Aslan Əsədov

"Bakı şəhərinə yenidən tramvayların çəkilməsi gözlənilən bir addım idi. Tramvay və trolleybuslar şəhər nəqliyyatının əsas, aparıcı mövqeyinə malikdir. Onlarsız şəhər nəqliyyatını təsəvvür etmək çətindir".

Bunu Sonxeber.az-a nəqliyyat eksperti Aslan Əsədov danışıb.

O, açıqlamasında qeyd edib ki, hazırda tramvay və trolleybusların olmaması müvəqqəti hal daşıyır:

"Amma, məsələnin mahiyyəti ondan ibarətdir ki, Azərbaycanda 2000-ci illərin əvvəllərində tramvay və trolleybus xətləri köhnə və yararsız olduğu üçün söküldü. Bununla da bağlı olaraq Azərbaycanda və xüsusilə paytaxt Bakıda fəaliyyəti dayandırıldı. Bununla bağlı "yol hərəkəti haqqında qanun"umuzda hər hansı bir dəyişikliyə məruz qalmadıq və bununla da imtahan verilən zaman sürücülük vəsiqəsinin nəzəri bilik imtahanları zamanı yol hərəkəti iştrakçılarına ünvanlanan suallardan biri də reyslərlə bağlıdır.
Bu o deməkdir ki, Azərbaycan Respublikası ərazisində tramvay və trolleybusların fəaliyyətinə geniş yer ayrılacaqdır. Hazırda tramvay və trolleybusların olmaması müvəqqəti hal daşıyır. Onu da qeyd etmək istəyirəm ki, sözügedən nəqliyyat vasitələri tək Bakıda yox, Sumqayıt, Mingəçevir, Naxçıvan, Gəncə, Şirvan və digər şəhərlərində də var idi".

Vüsalə İbrahimli

Telegramda izləyin