"20 Yanvar xalqımızın qan yaddaşıdır"-DEPUTAT

"20 Yanvar xalqımızın qan yaddaşıdır. Suverenliyimiz və müstəqilliyimiz uğrunda tökdüyü ilk qanlardan biridir. O, insanlar Azərbaycanın müstəqilliyini və suverenliyinin haqqını öz qanları və canları bahasına qorudular".

Bunu Sonxeber.az-a müsahibəsində Milli Məclisin deputatı Razi Nurullayev bildirib.
O, qeyd edib ki, hər il 20 Yanvarda Şəhidlər xiyabanında insan seli yaranır. Bu insan selinin yaranması, hər bir kəsin şəhidləri gedib yad etməsi, onlara rəhmət oxuması, bunun artıq 30 ildən çox davam etməsi, insan sayının azalmaması onu göstərir ki, Azərbaycan xalqı öz qan yaddaşına sadiqdir. Azərbaycan xalqı heç nəyi unutmadı:

"Öz vətənpərvərliyini qanında, canında və genində saxladı. Məhz bundan ruhlanaraq da Qarabağı azad etdi. Əgər 20 Yanvar hadisəsindən 2-3 il sonra şəhidlərimizi anıb onları ziyarət etməsəydik, insanların ruhu ölsəydi, Qarabağı azad edə bilməyəcəkdik".

Telegramda izləyin