Xalq artistinin halı pisləşdi, yenidən reanimasiyaya yerləşdirildi

Bir müddət öncə insult keçirən Xalq artisti Ənvər Həsənovun halı yenidən pisləşib, reanimasiyaya yerləşdirilib.

Bu barədə "Qafqazinfo"nun sorğusuna cavab olaraq TƏBİB-dən məlumat verilib.

Bildirilib ki, Ə. Həsənov yanvarın 10-da saat 10:15-də Xəzər Tibb Mərkəzinin Terapiya şöbəsinə hospitalizasiya olunub. Ona dəqiqləşdirilməmiş anemiya diaqnozu təyin edilib və ilkin zəruri tibbi xidmət göstərilib. Yanvarın 17-də vəziyyətinin ağırlaşması səbəbilə pasiyent Reanimasiya şöbəsinə köçürülüb. Aparılan diaqnostik müayinələr nəticəsində ona kəskin işemik insult diaqnozu təyin olunub.

Yanvarın 18-də vəziyyəti stabilləşən Xalq artisti tibb müəssisəsinin Nevrologiya şöbəsinə köçürülüb. Lakin 3 gün sonra, yanvarın 21-də saat 13:00 radələrində xəstənin vəziyyəti nəzərə alınaraq yenidən Reanimasiya şöbəsinə köçürülüb. Hazırda həmin şöbədə müalicəsi davam etdirilir, vəziyyəti stabil-ağır olaraq qiymətləndirilir.

Telegramda izləyin