"Ev şəraitində infuziya aparmaq düzgün deyil" - TİBBİ EKSPERT

"Əvvəla qeyd edim ki, ev şəraitində venadaxili infuziya aparmaq olmaz. Dünyanın heç bir yerində bu cür hal yoxdur. Venadaxili infuziyada iki əsas məqamı nəzərə almaq lazımdır".

Bunu Sonxeber.az-a tibbi ekspert Adil Qeybulla danışıb.

O, açıqlamasında qeyd edib ki, ev şərayitində sistem qoşdurmaq doğru deyil:

"Birinci, sterillik məsələsi. Yəni, onu edənlər nə dərəcədə sterilliyə əməl edir, bunun özü sual altındadır. İkincisi isə burada hər hansı bir allergik, anaflaktiv reaksiyalar baş verəcəyi təqdirdə görülən tədbirlərin adekvatlığı, əl altında lazımlı dərmanların olmasını nəzərə almaq lazımdır. Buna görə hesab edirəm ki, ev şəraitində infuziya aparmaq düzgün deyil. Bizim camaat buna adət edib, amma düzgün deyil və həm bunu edənlər, həm də etdirənlər böyük məsuliyyət daşıyır".

Vüsalə İbrahimli

Telegramda izləyin