Ağcabədidə bələdiyyə seçkisində qalib qəldi- Qəbələdə qonaqlıq verdi, hesabı ödəməyib qaçdı.....

Ağcabədidə kəndlərin birində bələdiyyə üzvü seçilən şəxs Qəbələ şəhərində qalmaqala səbəb olub.

Sonxeber.az Qaynarinfo.az -a istinadən məlumat verir ki,, Elşad Məmmədov (şərti) Ağcəbədinin kəndlərin birinin bələdiyyə üzvü seçildiyi üçün iki dostuna Qəbələdəki restoranların birində qonaqlıq verib.

Dostlar yeyib-içdikdən sonra 225 manat hesab gəlib. Elşad Məmmədov üzərlərində o qədər pul olmadığı üçün hesabı bir neçə gün sonra ödəmək üçün restoran rəhbərliyindən vaxt istəyib. Amma restoran sahibi pulu tələb etdiyi üçün aralarında mübahisə yaranıb.

Elşad Məmmədov dostları ilə birgə restorandan qaçıb. Restoran sahibinin şikayəti əsasında isə saxlanılıb.

Ona İnizibati Xətalar Məcəlləsinin 510 maddəsi ilə protokol tərtib edilib və iş məhkəməyə göndərilib. Məhkəmədə məlum olub ki, Elşad Məmmədov dostları ilə birgə sərxoş olduğundan sözügedən hadisəni törədib. O, məhkəmənin qərarı ilə 50 manat cərimə edilib.

Telegramda izləyin