Bakıda 9 yaşlı qız vəfat etdi - Təcili yardım NİYƏ GECİKİB?

Bakıda 9 yaşlı qız vəfat etdi - Təcili yardım NİYƏ GECİKİB?9 yaşlı Zəhra Hacıyevanın ölüm səbəbi ilə bağlı bəzi təfərrüatlar məlum olub.

Oxu.Az xəbər verir ki, "Məlhəm" klinikasından Zəhra Hacıyevanın ailəsinə təqdim edilən arayışa görə, ölüm səbəbi beyindaxili qansızma olub. Sənəddə qeyd edilib ki, Z.Hacıyeva yanvarın 28-i saat 06:00-da xəstəxananın pediatriya şöbəsinin reanimasiya bölməsinə qəbul edilib. Fevralın 2-də saat 04:05-də isə ölüm faktı qeydə alınıb.

Z.Hacıyevanın vəziyyəti qəfil pisləşən zaman təcili yardımın gecikmə səbəbi ilə bağlı Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, müraciətin qeydə alındığı vaxt Sabunçu ərazisi üzrə çağırış sayı çox olub və briqadalar təcili çağırışların (dəm qazı ilə zəhərlənmə, yıxılma, yol-nəqliyyat hadisəsi səbəbi ilə və s.) icrasında olub.

Məlumatda, həmçinin qeyd edilib ki, Respublika Təcili və Təxirəsalınmaz Tibbi Yardım Mərkəzinə 2025-ci il yanvarın 27-də saat 18:58-də Sabunçu rayonu, Zabrat qəsəbəsi ərazisindən 8 yaşlı şəxsin (qadın cinsli) halının pisləşməsi səbəbilə çağırış daxil olub:

"Saat 19:29-da xəstənin ailə üzvləri tərəfindən 103 Çağrı Mərkəzi ilə əlaqə yaradılıb və pasiyentin hansı tibb müəssisəsinə yerləşdirilməsi ilə bağlı məsləhət alınıb. Çağırışın imtina kimi qeydə alınmasına baxmayaraq, saat 20:09-da azad briqadaya ötürülüb. Bu vaxt pasiyentin ailə üzvləri ilə əlaqə saxlanılıb. Ailə tərəfindən bildirilib ki, pasiyent müvafiq tibb müəssisəsinə aparılıb.

Həmin gün saat 20:58-də Sabunçu Tibb Mərkəzinin nəzdində fəaliyyət göstərən Maştağa Xəstəxanasından 103 Çağrı Mərkəzinə koma səbəbilə çağırış daxil olub. Pasiyent Respublika Pediatriya Mərkəzinin Yasamal Uşaq Klinik Xəstəxanasına təxliyə olunub".

Xatırladaq ki, Z.Hacıyevanın anası Əfsanə Hacıyeva Oxu.Az-a açıqlamasında yanvarın 27-si axşam saat 6 radələrində qızının halının qəfil pisləşdiyini və təcili yardım çağırsalar da, gecikdiyini bildirmişdi. Ananın sözlərinə görə, 40 dəqiqə təcili yardımın gəlməyini gözləyiblər, lakin gələn olmayıb və qızını özləri xəstəxanaya çatdırıblar. Ana deyib ki, təcili yardım gecikməsə, bəlkə də qızının həyatını xilas etmək mümkün olardı.


Sonxeber.az
Telegramda izləyin
Sosial   Baxılıb: 1107   Tarix: 05 fevral 2025  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Zəlzələdən zərərçəkənlərə yardım edən şəhid atası: "Toy əşyalarını qardaş ölkəyə göndərdik"

"Eşitdim ki, rayonda yardım kampaniyası başlayıb. Ürəyimdən keçdi ki, Sübhanın toyu üçün hazırlanmış yorğan-döşəyi göndərim". Bunu Baku TV-yə Türkiyədə baş vermiş zəlzələdən zərərçəkənlərə yardım göndərən Murtuz Kərimov - Vətən müharibəsi şəhidi Sübhan Kərimovun atası deyib. Şəhid atası qey

6 fevral
.

Azərbaycanda 90 yaşlı kişi evlənmək üçün verilişə çıxıb

"Kanal S"də yayımlanan "Sözün bitdiyi an" verilişinin ötəngünkü buraxılışında qəribə hadisə yaşanıb. xəbər verir ki, kömək üçün verilişə müraciət edən 90 yaşlı Səfaqət Abdullayev oğlunun onu evindən çıxardığını küçədə qaldığını bildirib. Bundan sonra aparıcı Nigar Fərhad, Səfaqəti

6 fevral
.

Çörəyin çəkisi niyə azalıb? - Yayılan xəbərlərlə bağlı MÜHÜM AÇIQLAMA

Marketlərdə 55 qəpiyə satılan 510 qramlıq zavod çörəyi ilə yanaşı, yeni qiymətə - 65 qəpiyə 620 qramlıq zavod çörəyi ikinci çeşid kimi tədarük ediləcək. Baku TV-yə istinadən məlumat verir ki, bu barədə son günlərdə zavod çörəyinin qiyməti ilə bağlı yayılan məlumatda bildirilib. Diqqətçəkən məqam is

5 fevral
.

Xalq artistinin oğlu Azərbaycan Mərkəzi Bankının yeni baş direktorlarından biri oldu

Bu gün Azərbaycan Mərkəzi Bankına (AMB) 9 baş direktor təyin edilib. xəbər verir ki, onlardan biri Anar Mansurov, Xalq artisti, məşhur bəstəkar Eldar Mansurovun oğludur. Anar Eldar oğlu Mansurov 2022-ci ilin avqust ayından 2025-ci ilin fevral ayınadək Azərbaycan Respublikası Mərkəzi Bankının Maliyy

6 fevral
.

Nazir:"Eyni müəllim necə ola bilər ki, məktəbdə pis tədris verir, amma evdə yaxşıdır?"

Məktəbdə öz şagirdinə dərs deyən müəllim həm də onun repetitorudursa bu peşə etikasından uzaqdır. xəbər verir ki, bunu elm və təhsil naziri Emin Əmrullayev fevralın 6-da keçirdiyi brifinqdə deyib. Nazir bildirib ki, repetitorluq valideynin seçimidir:. "Repetitorluq seçimində fərqli arqumentlər ol

6 fevral
.

Müavinət və təqaüdlər yaxın aylarda ARTIRILACAQ - Rəsmi

Minimum əməkhaqqının və bir sıra sahələrdə əməkhaqları ilə yanaşı, müavinət və təqaüdlərin də yaxın aylarda artırılması nəzərdə tutulur. xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb. Bildirilib ki, Prezident İlham Əliyevin 23 dekabr 2024-cü il tarixli Sərəncam

6 fevral
.

Pensiya artımları necə hesablanacaq?

Prezident İlham Əliyevin imzaladığı "Əmək pensiyalarının indeksləşdirilməsi haqqında" sərəncamla bütün pensiyalar indeksləşdirilərək artırıldı.Qanunvericiliyə əsasən, vahid indeksasiya sistemi bütün əmək pensiyası alan vətəndaşlarımızın pensiya məbləğlərinin hər il yanvar ayında əvvəlki i

6 fevral
.

Azərbaycanda professor vəfat etdi

Azərbaycanda professor vəfat edib. xəbər verir ki, bu barədə sosial şəbəkələrdə məlumat yayılıb. Bildirilib ki, Azərbaycan Milli Elmlər Akademiyasının müxbir üzvü, fizika-riyaziyyat elmləri doktoru, professor Rüfət Mir-Qasım vəfat edib. Qeyd edək ki, Rüfət Mir-Qasım kinorejissor, Xalq artisti Oktay Mir-Qasımı

5 fevral
.

İnsanlar kitab oxuyurmu? - SORĞU

Günümüzün qlobal problemlərindən biri də insanların kitaba, mütaliəyə marağının azalmasıdır. Bir çoxları bunun səbəbinin əsasını internetdə görür. İndi insanlar vaxtlarının çoxunu internetdə lazımlı və ya lazımsız məşğuliyyətlərə sərf edirlər. Keçmiş zamanda gənclər boş vaxtlarını səmərəli keçirmək üçü

6 fevral