"Uşaqları intihara və şiddətə sövq edən oyunlar ölkəmizdə qadağan edilməlidir" - DEPUTAT

"Bu gün sağlam və savadlı gələcəyimizin yetişdirilməsində müəllimlərlə yanaşı valideynlərin üzərinə böyük öhdəliklər düşür".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, uşağın tək qarnını doyurmaq və geyim almaqla valideynlik olunmur:

"Uşaqlara ilk olaraq sevgi və qayğı göstərilməlidir. Onlar bilməlidirlər ki, hər hansı problemlə qarşılaşanda onu valideynləri ilə bölüşə bilər. Təəssüf ki, bu gün bəzi valideynlər düşünürlər ki, döymək və qorxutmaqla övladını düzgün tərbiyə edəcək. Əksinə, bu cür addımlarla valideynlər uşaqlarını özlərindən uzaqlaşdırır və onları yalnış yollara meyl etməsinə səbəb olurlar. Hər bir ana və ata övladı ilə ilk öncə dost olmalıdır. Uşaqlar hiss etməkdir ki, səhv etsələr belə onlara dəstək olacaq valideynləri var".

Deputat vurğulayıb ki, bəzən valideynlər uşaqlarını özləri ilə müqayisə edirlər:

"Məncə bu yalnışdır. Çünki bu gün texnologiya dövrüdür. Uşaqlar kitablardan daha çox sosial şəbəkələrə maraq göstərirlər. Təəssüf ki, sosial şəbəkələrdə faydalı məlumatlarla yanaşı təhlükəli informasiyaya, oyunlar paylaşılır. Daha çox yeniyetmələr təhlükəli informasiyalara meyl edirlər. Ona görə də valideynlər hiss etdirmədən övladlarını izləməli, savadlı və sağlam mühitdə yetişmələri üçün müəllimlərə dəstək olmalıdır. Xüsusilə də oynadıqları oyunlara nəzarət etməli və dostluq etdikləri insanları tanımalıdırlar. Bu istiqamətdə medianın və televiziya kanalların da üzərinə öhdəlik düşür. Uşaqların maarifləndirilməsi üçün verlişlər və video çarxlar hazırlanmalıdır. Təhlükəli mütəmadi oyunlar barədə məlumatlar paylaşılmalıdır".

Deputat müvafiq qurumların təhlükəli oyunlara nəzarəti gücləndirməli olduğunu qeyd edib:

"Uşaqları intihara və şiddətə sövq edən oyunlar bloklanmalı, yada da qadağan edilməlidir. Eləcə də valideynlər övladlarının hansı oyunları oynadıqlarına nəzarət etməlidir".

Telegramda izləyin