"Hazırda sülh müqaviləsinin imzalanması ilə bağlı aparılan danışıqlar düzgün istiqamətdə davam etdirilir" - DEPUTAT

Bu gün hər kəsi maraqlandıran məsələlərdən biri də sülh müqaviləsinin nə vaxt imzalanacağıdır. Təəssüf ki, Ermənistan rəhbərliyi sülh müqaviləsinin imzalanması ilə bağlı üzərinə düşən öhdəlikləri yerinə yetirmək istəmir.

Bununla bağlı Sonxeber.az-a danışan deputat Fariz İsmayılzadə bildirib ki, son illərdə sülh müqaviləsinin imzalanması ilə bağlı müəyyən qədər irəliləyiş əldə olunub:

"Sülh müqaviləsinin çox hissəsi razılaşdırılsa da bəzi məqamlar hələ də qalıb. Azərbaycanın ədalətli tələbləri də var. O cümlədən biz təklif etmiş ki, qarşılıqlı iddialar beynəlxalq məhkəmələrdən yığışdırılsın. Bu addım hər iki ölkəyə fayda verə bilər. Bundan əlavə təklif etmiş ki, sərhəddə üçüncü dövlətlərin hərbiçiləri, monitorlar olmasın. Bu da düşünürəm ki, çox ədalətli təklifdir.

Eyni zamanda Ermənistanın konstitusiyasına dəyişikliklər edilməlidir. Bütün bunlarla bağlı İrəvandan ilkin razılıq siqnalları gəlir. Onlar ATƏT-in Minsk Qrupunun ləğv edilməsi ilə bağlı bəyanatlar səsləndirirlər. Sülh müqaviləsinin tezliklə imzalanması ilə bağlı ehtimal böyükdür. Hazırda sülh müqaviləsinin imzalanması ilə bağlı aparılan danışıqlar düzgün istiqamətdə davam etdirilir. Sülh müqaviləsinin imzalanması ilə bağlı müəyyən razılıq əldə olunacaq".

Telegramda izləyin