"Məktəblərdə nəzarət gücləndirilməli, müəllimlər təhlükəli oyunlarla bağlı şagirdlərlə söhbətlər aparmalıdır" - DEPUTAT

"15 yaşlı balamızın kompüterdə oynadığı oyuna görə özünəqəsd etməsi xəbəri məni çox sarsıtdı".

Bunu Sonxeber.az-a danışan deputat Aydın Mirzəzadə bildirib.

Deputat qeyd edib ki, 15 yaşlı gəncin belə bir çirkin oyunu olması bizim üçün böyük ağrıdır:

"Hələ dünya görüşü və psixologiyası tam formalaşmamış uşaqlar tez təsir altına düşürlər. Düzdür, ailədə valideyn tərbiyəsi böyük rol oynayır. Amma uşaqlar hisslərini böyüklərlə bölüşmür. Nəticədə də bu cür intiharlar baş verir. Hesab edirəm ki, bu məsələ ilə bağlı maarifləndirmə işlərinə başlanılmalı, bütün məktəblərdə müəllimlər şagirdlərlə söhbətlər aparmalıdır. Televiziyalarda zərərli oyunlarla bağlı sosial çarxlar verilməlidir. Saytların hər biri bununla bağlı xəbərlər hazırlayıb gün ərzində öz səhifələrində yerləşdirsələr bu problemi həll edə bilərik.Oyunlarla bağlı yaranan problem ciddidir. Şübhəsiz ki, Azərbaycan növbəti hüquq-mühafizə orqanları öz araşdırmalarına başlayıb. Amma tək dövlət qurumları deyil, hər bir vətəndaşımız yeniyetmə və gənclərimizin qorunması üçün çalışmalıdır".

Telegramda izləyin