"Paşinyanın "Armenpress"də dərc olunan məqaləsi dünya ictimaiyyətini yanıltmaq üçün danışdığı növbəti yalandır" - DEPUTAT

"Ermənistanın baş naziri Nikol Paşinyanın "Armenpress"də dərc olunan məqaləsi dünya ictimaiyyətini yanıltmaq üçün danışdığı növbəti yalan və uydurmadan başqa bir şey deyil".

Bunu Sonxeber.az-a danışa Cavanşir Paşazadə bildirib.

Deputat bildirib ki, təəssüf ki, Ermənistan onu silahlandıran və regionda növbəti müharibə qığılcımlarını yaratmağa çalışan havadarlarının sifarişi ilə addım atır:

"Paşinyanın "Armenpress"də dərc olunmuş məqaləsində Azərbaycanın Ermənistana qarşı hücuma hazırlaşdığı və Qərbi Azərbaycan İcmasının məqsədləri ilə bağlı iddiaları ölkəmizə qarşı başladılan qarayaxma kampaniyasının tərkib hissəsidir. Eləcə də məqalədə səsləndirdiyi digər əsassız fikirlər reallığı təhrif etməkdən başqa bir şey deyil. Ermənistan rəhbərliyi bu cür sərsəm açıqlamaları ilə üzərinə götürdüyü öhdəliklərdən boyum qaçırmaq və sülh müqaviləsinin imzalanması ilə bağlı başladılan prosesin müddətini uzatmağa çalışır. Yaxşı olar ki, Ermənistanın baş naziri sülhə nail olmaq perspektivlərini sarsıdan addımlardan çəkinsin və üzərinə götürdüyü öhdəlikləri yerinə yetirərək xalqının sülh şəraitində yaşamasına nail olsun".

Deputat vurğulayıb ki, Ermənistanın silahlandırılması Azərbaycanın təhlükəsizliyinə və bölgə üçün birbaşa təhdiddir:

"Sülh danışıqlar prosesində müsbət dinamikalar müşahidə olunsa da, Ermənistanın konstitusiyasında və bir çox normativ hüquqi aktlarda Azərbaycana qarşı ərazi iddiaları hələ də qüvvədə qalır. Bir tərəfdən də Qərbin Ermənistanı sürətlə hərbiləşdirilmək kampaniyası davam edir. Əlbəttə ki, qərbin Ermənistana hərbi yardım göstərməsi ölkədəki revanşistləri qızışdırmaq üçün atılan addımdır. Azərbaycan hər şeyin fərqindədir. Ölkə lideri İlham Əliyevin dünya miqyasında artan nüfuzu və ölkənizin uğurları bəzi dövlətləri narahat edir. Heç bir təxribat və bəyanat Azərbaycanı yolundan döndərə bilməyəcək. Tezliklə Ermənistan rəhbərliyi sülh müqaviləsini imzalayacaq və Zəngəzur dəhlizi açılacaq".

Telegramda izləyin