"Bütün problemlər ikinci əl avtomobillərdən qaynaqlanır" - AÇIQLAMA

"Müşahidələrimizə əsasən, eyni zamanda rəsmi qurumlarında bildirdiyi kimi qəzaları daha çox köhnə avtomobillər törədir. Bir məsələni də qeyd etmək istəyirəm, bizə hər zaman qəza baş verdikdə bildirilir ki, sürücü idarəetməni itirdi və avtomobil qəza törətdi. Bəs, idarəetməni itirməyinə nə səbəb oldu? Bu qeyd olunmur. Amma hadisələr yaxınlarımızda baş verən zaman görür və bilirik ki, daha çox hallarda avtomobildə olan nasazlıqdan dolayı sürücü idarəetmən itirir".

Bunu Sonxeber.az-a AADA ictimai birliyinin icraçı direktoru Eyyub Əliyev danışıb.

O, açıqlamasında qeyd edib ki, rəsmi dillerlər tərfindən ölkəmizə gələn avtomobillər, müəyyən təhlükəsizlik sınaqlarından keçir:

"Bildiyimiz kimi Koreyadan, Yaponiyadan ölkəyə ikinci əl avtomobillər də daxil olub. Bunlarda isə sükanın sağdan sola keçirilmə halları var. Bu proses zamanı isə bir çox detalların yeri dəyişir. Dəyişmə zamanı bu halları nəzərə almırlar. Bu səbəblərdən dolayı da ola bilər ki, sükan kilidlərin və idarəetmə itirilir, yaxud da, əyləc sistemində hər hansı problemlər olur, bu zaman da əyləc öz funksiyasını yerinə yetirə bilmir vəs. müxtəlif səbəblər olur. Bütün problemlər ikinci əl avtomobillərdən qaynaqlanır. Hazırda ölkəmizə Çinin daxili bazarı üçün nəzərdə tutulan xeyli sayda avtomobillər idxal olunub. Rəsmi dillerlər tərfindən ölkəmizə gələn avtomobillər, müəyyən təhlükəsizlik sınaqlarından, testlərdən keçir. Amma daxili bazar üçün olanlar isə sözügedən sınaqlardan keçirilmir. China -NCAP Çinin daxili bazarı üçün, Euro NCAP Avropa bazarı üçün nəzərdən keçirilən testlərdir. Hal-hazırda ölkəmizə qeyri-rəsmi idxalçılar vasitəsi ilə yetərincə avtomobillər gəlir. Bu avtomobillərin də təəssüflər olsun ki, 70-80%-i hal-hazırda taksi fəaliyyətindədir və bunun da nə qədər təhlükəli hal olduğunu bəlkə də çox adam başa düşmür".

Vüsalə İbrahimli

Telegramda izləyin