"Hasan Şeyx Mahmudun ölkəmizə səfəri ikitərəfli iqtisadi-hərbi əlaqələrin inkişafına güclü təkan verəcək" - DEPUTAT

"Bu gün Azərbaycan bütün ölkələrlə dostluq əlaqələrin və eləcə bütün sahələrdə əməkdaşlığın inkişafına maraqlıdır. Xüsusilə də, Afrika ölkələri ilə. Ötən illər ərzində Afrika ölkələri ilə Azərbaycan arasında əlaqələr yaradılmaqdadır. Təbii ki, bu münasibətlər hər iki tərəfi maraqlandıran məsələlərdə qarşılıqlı etimada, hörmətə əsaslanır".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib, Somali Federativ Respublikasının Prezidenti Hasan Şeyx Mahmudun ölkəmizə səfəri tarixi əhərmiyyət daşıyır:

"Bu səfəri həm də ikitərəfli iqtisadi-hərbi əlaqələrin inkişafına güclü təkan verəcək əlamətdar hadisə kimi qiymətləndirmək olar. Bu bir sıra Afrika ölkələri, o cümlədən Somali ilə diplomatik əlaqələrimiz var. Hətta ötən il diplomatik münasibətlərin 20 illiyi də qeyd olundu. Bakının uğurla Qoşulmama Hərəkatına sədrlik etməsi Azərbaycanın Afrika ölkələrilə münasibətlərinin daha da inkişaf etməsinə səbəb oldu. Dörd il ərzində Azərbaycanın Qoşulmama Hərəkatına sədrlik etməsi deyərdim ki, bu təşkilatın nüfuzunu daha da yüksəltdi. Həmçinin də bizim üçün yeni əməkdaşlıq sahələrini inkişaf etdirmək və gücləndirmək imkanı yaratdı. Bu istiqamətlərdən biri də Afrika qitəsidir oldu.

Fevralın 12-də imzalanmış sənədlər isə ikitərəfli əlaqələrimizi çox sahələrdə inkişaf etdirməkdə qarşılıqlı iradəmizi aydın şəkildə nümayiş etdirir. Ümumiyyətlə, Bakıda imzalanmış bütün razılaşmalar həyata keçiriləcək və münasibətlərimizi daha yüksək səviyyəyə qaldıracaq. Dövlət başçımız cənab İlham Əliyev və Somali Federativ Respublikasının Prezidenti Hasan Şeyx Mahmud görüş zamanı regionlarımızda geosiyasi vəziyyəti, ölkələrimizin üzləşdiyi çağırışları geniş şəkildə müzakirə etdilər. Görüş zamanı ölkələrimizin ərazi bütövlüyünə və suverenliyinə qarşılıqlı dəstək, eləcə də terrorçuluğa və ekstremizmə qarşı mübarizədə ortaq mövqeyimizi bir daha vurğulandı. Hər bir ölkə üçün siyasi sabitlik inkişafı təmin edən ilkin şərtdir. Görüşdə cənab prezident İlham Əliyev 1990-cı illərdən və bu əsrin əvvəlindən tutmuş beynəlxalq səviyyədə tanınmış ərazilərimizin erməni işğalından azad edilməsinə qədər ölkəmizin üzləşdiyi ağır dövr barədə də məlumat verib".

Deputat vurğulayıb ki, ikitərəfli münasibətlərdə təhsilə xüsusi əhəmiyyət verilir:

"Həmçinin görüş zamanı Azərbaycana sərmayələrin cəlb edilməsində və müsbət işgüzar mühitin yaradılmasında təcrübəmiz barədə də danışılıb. Müzakirə etdiyimiz və edəcəyimiz sahələr sırasında ən vaciblərindən biri təhsil sahəsidir. Bu gün həmin sahədə artıq ilkin nailiyyətlərimiz var. Bilirsiniz ki, Somalidən bir sıra tələbə Azərbaycanda Heydər Əliyev adına təqaüd əsasında təhsil alır. Düşünürəm ki, fevralın 12-də imzalanmış sənəd onların sayını artırmaq imkanını yaradacaq. İlkin mərhələdə on tələbə, sonra isə onların sayı daha çox ola bilər. Bir sözlə, onların Azərbaycan universitetlərində müasir təhsil proqramlarına çıxış əldə etmək imkanı olacaq və belə fürsət Somalinin iqtisadi inkişafına fayda verəcək.

Bu gün Azərbaycan Somali iqtisadiyyatının hansı sahələrinə sərmayə qoymağı araşdırır. Ötən günki görüşdə Somalidə sərmayə imkanları da müzakirə edildi.Bildiyiniz kimi, cənab Hasan Şeyx Mahmudun səfərindən əvvəl Azərbaycanın böyük nümayəndə heyəti bir həftə öncə Somaliyə səfər etmiş, əsasən, səfərin hazırlanması və eyni zamanda, gələcəkdə güclü iqtisadi, siyasi və mədəni əlaqələrin qurulması üzərində çalışmışdır. Düşünürəm ki, həmin proses davam etməlidir. Düşünürəm ki, Prezidentin rəsmi səfəri nəticəsində digər heyəti konkret hədəf və məqsədlərlə sərmayə sahələrini müəyyən etmək, eləcə də Azərbaycanın sərmayələri qəbul oluna biləcək və faydalı olacaq konkret layihələri qeyd etmək üçün Somaliyə ezam Əlbəttə bu sahələr infrastruktur, liman qurğuları və kənd təsərrüfatı ola bilər".

Deputat söyləyib ki, hər iki ölkə üçün müdafiə sahəsində əməkdaşlıq mühüm əhəmiyyət kəsb edir:

"Fevralın 12-də sənəd imzalandı və bu gün cənab Hasan Şeyx Mahmud Azərbaycanın müdafiə imkanlarının, o cümlədən müdafiə sənayesinin bəzi elementləri ilə tanış olacaq. Hazırda nümayəndə heyətlərinin görüşü zamanı bu imkanları birmənalı şəkildə müzakirə edəcəyik. Azərbaycan müdafiə avadanlığının əksər hissəsini istehsal edərək, güclü müdafiə sənayesi potensialını yaradıb. Həmin avadanlıq həm bizə lazımdır, həm də müasir müdafiə avadanlığına malik olan 10-a yaxın ölkənin mühüm ixracatçısına çevrilmək imkanıdır. Burada təlimlər də var, çünki İkinci Qarabağ müharibəsi və sonradan antiterror əməliyyatı hərbi qulluqçularımızın yüksək peşəkarlığını nümayiş etdirdi. Onlar altı və ya yeddi müdafiə xəttinə, müxtəlif müdafiə istehkam infrastrukturuna baxmayaraq, təxminən otuz il işğal altında olan ərazimizi çox mürəkkəb coğrafi relyef şəraitində azad edərək, Azərbaycanın ərazi bütövlüyünü və suverenliyini qısa müddət ərzində tam bərpa edə bildilər. Bu baxımdan hesab edirəm ki, müdafiə sahəsində əməkdaşlıq, təlimlər və potensial qaydada müdafiə avadanlığının birgə istehsalı, Azərbaycandan Somaliyə onun təchizatı əməkdaşlığımızın mühüm sahələrindən biri olmalıdır.

Tərəfdaşlığımızın mühüm sahəsi beynəlxalq təsisatlarda qarşılıqlı dəstəkdir. Xarici işlər nazirlərimiz çox tədbirlərdə görüşərək həmin məsələləri müzakirə ediblər. Hesab edirəm ki, bundan sonra da BMT, İslam Əməkdaşlığı Təşkilatı və digər beynəlxalq qurumlarda bir-birimizə dəstəyi birmənalı olaraq davam etdirəcəyik. Çünki hər iki ölkə üçün arxalanacağımız tərəfdaşlara və dostlara malik olmaq çox vacibdir".

Telegramda izləyin