"Elektrikli avtomobil sürücüləri daha az qəza törədir" - AÇIQLAMA

Son vaxtlar baş verən dəhşətli yol qəzaları insanlar arasında müzakirə olunmağa başlayıb. Belə ki, vətəndaşların bir qismi baş verən qəzaları sürücülərin səhvi ilə əlaqələndirsə də, digər qismi sürdükləri avtomobilin markası ilə əlaqələndirir.

Bəs görəsən bu doğrudurmu?

AADA ictimai birliyinin icraçı direktoru Eyyub Əliyev bu barədə Sonxeber.az-a açıqlama verib:

"Ümumiyyətlə belə bir anlayış yoxdur ki, hər hansı maşını sürən sürücülər daha az və ya çox qəza törədir. Bu qəzaların baş verməsi sürücülərin təcrübəsindən, qaydalara əməl edib etməməsindən asılıdır. Amma, biz son zamanlar müşahidə edirik ki, taksi fəaliyyəti ilə məşğul olan sürücülər daha çox qəza törədirlər. Bu da bəlli məsələdir. Abiliqatorlar tərəfindən onlara qoyulmuş şərtlər var idi. Hansı ki, taksi sürücüləri günün 17-18 saatı sükan arxasında olurdular. Yuxulu olmaq, yorğunluq, tələskənlik də qəzalara səbəb olur. Amma yenə də qeyd etmək istəyirəm ki, bu maşını sürən daha az, digərini sürən daha çox qəza törədir deyə bir anlayış yoxdur. Amma biz elektrikli avtomobil sürücülərinin daha az qəza törətdiyini də müşahidə edirik. Bu da, avtomobildən deyil, sürücüdən, onun sürücülük qabiliyyətindən asılıdır".

Telegramda izləyin