DİM-in sualı plagiatdır? - Rəsmi cavab
"Dövlət İmtahan Mərkəzi (DİM) hər il buraxılış və qəbul imtahanlarında iştirak edən abituriyentlərdən yüksək xidməthaqqı tələb edir. Rəsmi açıqlamalara görə, bu ödənişlər sualların hazırlanması, ekspertizası, yoxlanması və digər texniki xərclərə sərf olunur. Lakin martın 2-də keçirilmiş buraxılış imtahanında istifadə olunan riyaziyyat suallarından biri ingilisdilli mənbədən götürülüb. Bu, DİM-in iddia etdiyi kimi sualların böyük əmək və vəsait hesabına hazırlandığını ciddi şəkildə sual altına qoyur".
"Qafqazinfo" xəbər verir ki, bu ittihamları təhsil eksperti Kamran Əsədov sosial şəbəkə hesabında ictimailəşdirib.
O, DİM-i qeyri-şəffaflıqda ittiham edib: "Yuxarıdakı şəkillərdən də göründüyü kimi, sualın ingilis versiyası tam eyni məzmunla xarici mənbədən götürülüb. DİM-in təqdim etdiyi sual isə sadəcə Azərbaycan dilinə tərcümə edilib və abituriyentlərə təqdim olunub".
Məsələ ilə əlaqədar DİM-ə müraciət etdik. Qurumdan sorğumuza cavab olaraq bildirildi ki, sözügedən tapşırıq plagiat deyil, xarici mənbədən götürülməyib: "2 mart 2025-ci ildə keçirilən buraxılış imtahanında riyaziyyat fənnindən istifadə edilən bütün tapşırıqlar ingilis bölməsi üzrə imtahan verən abituriyentlər üçün də həmin dillərə tərcümə edilərək abituriyentlərə təqdim edilib.
İngilis bölməsi üzrə imtahan verən abituriyentlərin birinin sual kitabçasından götürülmüş bir tapşırığın sosial media platformalarında yayılması bu qaydadan məlumatsız olan bəzi şəxslər tərəfindən həmin tapşırığın xarici mənbədən götürüldüyü kimi başa düşülüb.
Bir daha bildiririk ki, tapşırığın orijinal mətni Azərbaycan dilindədir və həmin tapşırıq yalnız ingilis bölməsi üzrə imtahan verən abituriyentlər üçün tərcümə edilib. Sosial mediada yayılan görüntü də hansısa xarici mənbə olmayıb, məhz DİM-in keçirdiyi imtahanda istifadə edilən sual kitabçasından götürülüb".
Qeyd edək ki, ekspert daha sonra yazdığı statusu silib.

Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Azərbaycanın bu rayonlarında zəlzələ oldu (YENİLƏNİB)
Bu ölkə adını dəyişir
Dövlət qurumunda korrupsiyaya qarşı ƏMƏLİYYAT: Saxlanılanlar var
Elvin Cəfərquliyev üçün "Qarabağ"a təklif gəlib?
Azər Mursaqulov yeni şöbə müdiri təyin etdi - FOTO
Ağ krossovkalar artıq dəbdə deyil: Bu yay cinslərlə hansı ayaqqabı daha uyğundur?
Bu uşağı tanıdınız? İndi bütün dünya onun dalınca düşüb
Məşhur bloqer evində güllələndi
Rayonlara leysan yağır - FAKTİKİ HAVA
İxtisas seçərkən bu səhvləri etməyin - Təhsil ekspertindən mühüm tövsiyələr
Ən az xolesterin olan ət: Diyetoloqların əsas seçimi
Avtobus qəzasına səbəb olan sürücü: "Sevgilimlə problem yaşamışdım, yuxusuz idim"
Al Paçinonun son görüntüləri diqqət mərkəzində
Suyun altında iki əsrlik bir sirr: Amerikanın "Nessi"si kameraya düşdü