"Valideyinlər bəzi hallarda bunun əksini edir, hətta hədə-qorxu gəlirlər" - PSİXOLOQ

"Hər il biz imtahanlardan sonra bu tipli hadisələrlə üzləşirik. Hətta, bəzi vaxtlarda intiharla nəticələnən xəbərdə qarşımıza çıxır. Bu halların qarşısını almaq üçün maarifləndirinci addımlar ilk növbədə valideyinlər üçün atılmalıdır. Çünki, birinci növbədə hansı tələbələr ki, özləri valideyinlərin həddindən artıq basqısı olmadan imtahana hazırlaşırlar onlar daha rahat şəkildə nəticə əldə edə bilirlər".

Bunu Sonxeber.az-a Amerika psixoloqlar assosasiyasının üzvü, Psixoloq Konsultant Şirin Məmmədli danışıb.

O, açıqlamasında qeyd edib ki, valideyinlər övladları ilə istənilən məsələ haqqında söhbət etməyi bacarmalıdır, onlara basqı etməli deyillər:

"Demirəm ki, bu dönəmdə abutriyentə nəzarəti tamamən buraxmaq lazımdır. Amma, onu da qeyd edim ki, nəzarət və basqı ayrı-ayrı hallardır. Nəzarət odur ki, tələbə ilə tez-tez maraqlanırıq, onun nədə çətinliyi olub-olmadığını soruşuruq. Bir məsələ haqqında basqı yox, söhbət etməyə çalışmalıyıq. Çünki, bunlar tamamən fərqli şeylərdir. Valideyinlər isə bəzən, söhbət əsnasında uşaqları demək olar ki, balaca vaxtından başlayır başqaları ilə müqayisə etməyə və yaxud da övladları mənfi qiymət aldıqda onlardan bunun hansı səbəbə görə belə olduğunu soruşmaqdansa, "filankəsin uşağı belə qiymət alıb, sən niyə oxumursan?" deyərək onun birbaşa eqosunu alçaldaraq məsələni həll etməyə çalışırlar. Düşünürlər ki, mən uşağı bir az sıxsam, onun eqosuna toxunacaq sözlər desəm o, səhvindən dönəcək. Amma, nəzərə almaq lazımdır ki, bizim qarşımızdakı böyük bir insan deyil. Akademik məsələ istənilən uşağın həyatında kifayət qədər önəmli məsələdir və bu istənilən abituriyentin həyatında bir ilkdir. Valideyinlər də bunu nəzərə alaraq övladları ilə motivasiya xarakterli söhbətlər aparmalıdır. Amma, valideyinlər bəzi hallarda bunun əksini edir, hətta hədə-qorxu gəlirlər. Bu zaman isə abituriyentlər daha təmkinli deyil, stressli olurlar. Onu da qeyd edim ki, əgər valideyinlər sınaq müddətində uşaqlarında diqqət əksikliyi hiss edirlərsə və yaxud da həyəcan həddindən artıqdırsa və buna görə nəticə əldə bilmirsə, artıq bunu daha öncədən mütəxəsislə məsləhətləşmək lazımdır".

Telegramda izləyin