"Uşaq və valideyin münasibətlərində məsuliyyət daha çox valideyinlərin üzərinə düşür" - PSİXOLOQ

"Uşaq və valideyin münasibətlərində məsuliyyət daha çox valideyinlərin üzərinə düşür. Belə ki, uşaq və valideyin münasibətlərində valideyin uşağın yaşına, sosial mühitinə görə ona yanaşmağı düzgün qurmalıdır. Məsələn, əgər, uşaq 6 yaşındadırsa və ona 3-4 yaşındakı kimi davranılırsa burada da müəyyən davranış pozuntuları üzə çıxmağa başlayır".

Bunu Sonxeber.az-a Ailə və Uşaq psixoloqu Aynur İsmayılova danışıb.

O, açıqlamasında qeyd edib ki, valideyinlər yeniyetmələrin sərhədlərinə hörmətlə yanaşaraq onlarla qarşıdurma yaşamamağa çalışmalıdılar:

"Yaxud da, yeniyetməlik yaşlarında uşaqlarla valideyinlər arasında daha çox qarşıdurma yaranır, belə ki, valideyinlər yeniyetmələrin sərhədlərinə hörmət etmirlər, tez-tez bu sərhədləri pozurlar və ya öz yeniyetməlik dövrləri ilə əlaqələndirib, fərqli şəkildə onları daha çox neqətivə kökləndikləri üçün uşaqlar da valideyinlərdən uzaq qaçmağa başlayırlar. Belə hallarda da çox vaxt başqa şəxslər tərəfindən aldadıla, qurbana çevrilə bilərlər. Bunun qarşısını almaq üçün valideyinlər uşaqları ilə düzgün münasibət çərçivəsini psixoloqlardan məsləhət ala bilər, lazım gələrsə 12 yaşa qədər uşağın problemini psixoloq vasitəsi ilə həll edə bilərlər. Eyni zamanda da yeniyetmələrin sərhədlərinə hörmətlə yanaşaraq onlarla qarşıdurma yaşamazlar. Hər bir mənada valideyin övladının tərbiyəsinə, düşüncəsinə böyük təsir edən amillərdən biridir".

Telegramda izləyin