"Şimalı Makedoniya prezidentinin Azərbaycana səfəri ölkəmizə qarşı olan yüksək inamın göstəricisidir" - DEPUTAT

Şərqi Avropa və Balkan yarımadası ölkələri ilə münasibətləri inkişaf etdirmək Azərbaycanın xarici siyasət prioritetlərindəndir.

Ölkəmizin qlobal müstəvidə nüfuzu artıqca bizimlə əməkdaşlıq etmək istəyən dövlətlərin də sayı durmadan artır. Şimalı Makedoniya prezidenti Qordana Silyanovska-Davkovanın Azərbaycana işgüzar səfəri ölkəmizə qarşı olan yüksək inamın və diqqətin göstəricisidir.

Rəsmi Bakı və Skopye arasında diplomatik əlaqələr bir çox sahədə dinamik inkişaf edir. Liderlərin mətbuat konfransında səsləndirdiyi fikirlər bunun bariz nümunəsidir.

Rusiya-Ukrayna müharibəsinin Avropanın enerji bazarında yaratdığı risqlər qitə dövlətlərinin alternativ mənbələr tapmasını şərtləndirir. Hər zaman özünü etibarlı tərəfdaş kimi təsdiq edən Azərbaycan hazırda Avropanın enerji təhlükəsizliyində mühüm rol oynayır. Ölkəmizin təbii resurslarının və cənab Prezident İlham Əliyevin siyasi zəkasının sayəsində qurulan şaxələndirilmiş nəqliyyat infrastrukturuna diqqət olduqca yüksəkdir. Azərbaycanın bir çox qlobal neft və qaz layihələri Şimali Makedoniyanında maraq dairəsindədir və artıq Azərbaycan qazı Şimali Makedoniya bazarında öz yerini tutmuşdur. İkitərəfli münasibətlərin inkişaf tendensiyası onu deməyə əsas verir ki, rəsmi Bakı və Skopye arasında olan diplomatik əlaqələr bundan sonra da effektivliyi ilə seçiləcək.

Günay Ağamalı

Milli Məclisin deputatı, Ana Vətən Partiyasının sədr müavini

Telegramda izləyin