"Azərbaycan Şimali Makedoniya ilə münasibətlərin inkişafına əhəmiyyət verir" - DEPUTAT

"Şimali Makedoniya Azərbaycan Respublikasının müstəqilliyini 25 iyun 1995-ci il tarixində tanıyıb. İki ölkə arasındakı diplomatik münasibətlər 28 iyun 1995-ci ildə qurulub. Hazırda da ikitərəfli münasibətlərimizin inkişafı üçün fəal iş aparırıq. Azərbaycan-Şimali Makedoniya arasında ikitərəfli münasibətlərin inkişafı üçün fəal işlər aparılır".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bu gün iki ölkə arasında siyasi əlaqələrimizin inkişafı üçün əlavə tədbirlər görülməli, müvafiq dövlət qurumları sıx təmasda olmalıdırlar:

"Eyni zamanda, iqtisadi sahədə, sərmayə qoyuluşu sahəsində imkanlar araşdırılmalıdır. Düzdür, Azərbaycan-Şimali Makedoniya arasında bu günə qədər ticari-iqtisadi sahədə o qədər böyük nəticələr əldə edilməyib.Amma hesab edirəm ki, Şimalı Makedoniya prezidenti Qordana Silyanovska-Davkovanın Azərbaycana işgüzar səfəri səfərindən və nümayəndə heyətlərinin təmaslarından sonra ticari-iqtisadi sahədə böyük nəticələr əldə edəcəyik. Qısa müddət ərzində iki dövlət başçısının ikinci dəfə görüşməsi bütün sahərdəki əməkdaşlığın yüksələn xətt üzrə inkişaf edəcəyinin göstəricisidir. Ümumiyyətlə son dövrlərdə Azərbaycan və Şimali Makedoniya arasında ikitərəfli münasibətlər daha da fəallaşaraq strateji əhəmiyyət kəsb etməyə başlayıb. Artıq iki ölkə energetika sahəsində əməkdaşlığa başlanılıb. Azərbaycan qazı artıq Şimali Makedoniyanın bazarına çatdırılmışdır. Bu il artıq müntəzəm olaraq Azərbaycan Şimali Makedoniya bazarını təbii qazla təmin edəcək. Gələcəkdə də biz lazım olan həcmdə qaz təchizatını artıra bilərik. Çünki biz bu gün yeni qaz yataqlarının istismara verilməsi istiqamətində fəal iş aparırıq. Bu gün Azərbaycan 12 ölkəyə təbii qaz ixrac edir və bizim müştərilərimizin coğrafi yerləşməsi də Avrasiya məkanını əhatə edir. On iki ölkədən 10 ölkə Avropa ölkəsidir. Keçən il Azərbaycan xarici bazarları 25 milyard kubmetr qaz ilə təchiz etmişdir. Təbii ki, bizim istehsalımız bundan daha çoxdur. Çünki biz yerli tələbatı da ödəyirik. Ancaq əhatə dairəsi, qaz təchizatımızın coğrafiyasının genişləndirilməsi də gündəlikdə duran məsələdir".

Deputat vurğulayıb ki, bu gün Avropa Azərbaycan qazına ehtiyac duyur:

"Təxminən üç il bundan əvvəl Bakıda imzalanmış Avropa İttifaqı ilə Azərbaycan arasında energetika sahəsində strateji tərəfdaşlıq Bəyannaməsi bunun əyani təzahürüdür. Bu gün Azərbaycan qazı bir çox Avropa ölkəsinin enerji təhlükəsizliyini təmin edir və Avropadakı tərəfdaşlarımızın xahişlərinə biz hər zaman böyük diqqətlə yanaşmışıq. Yəni, energetika sahəsində ikitərəfli formatda əməkdaşlıq bizim üçün çox önəmlidir və mən ümid edirəm ki, bu praktiki əməkdaşlıq digər sahələrdə də əməkdaşlığa gətirib çıxaracaq.

Bundan əlavə xalqlarımızın humanitar sahədə əməkdaşlığına da böyük ehtiyac var.2023-cü ildə Azərbaycan Respublikasının Serbiyadakı səfiri Kamil Xasiyev, eyni zamanda Şimali Makedoniyaya təyin olunub.Hazırda da Şimali Makedoniyanın Azərbaycanda akkreditə olunmuş səfirliyi fəaliyyət göstərir. Azərbaycan Şimali Makedoniya ilə münasibətlərin inkişafına əhəmiyyət verir və iki ölkə arasında əməkdaşlıq siyasi, iqtisadi və humanitar sahələri əhatə edir".

Telegramda izləyin