"Ağzımızdan çıxan kəlimələr doğurdan da kainata enerji ötürür?" - AÇIQLAMA

"Ağzımızdan çıxan kəlimlərə diqqət edək", "Kainata ötürdüyümüz enerjiyə diqqət yetirməliyik" kimi sözləri insanlardan tez-tez eşidirik.

Bəs görəsən ağzımızdan çıxan kəlimələr, qurduğumuz cümlələr kainata enerji ötürərərək həyatımıza təsir edirmi?

Mövzu ilə bağlı psixoloq Aytən Ələkbərova Sonxeber.az -a açıqlama verib:

"Son dövrlər yaşam koçlarının insanlara ən çox təbliğ etdiyi inanclardan biri də budur. Məsələn "üzr istəmək" sözünün əvəzinə "bağışlamaq" sözündən istifadə etməyi məsləhət görürlər. Çünki, əgər "üzr istəmək" sözündən çox istifadə etsək, daha çox üzr istəməli olduğumuz hadisələrlə üz-üzə gələcəyimizi bildirirlər. Amma günümüzün yaşam koçlarının insanlarda yaratdığı inanclar bir növ manipulyasiyadır. Bu, manipulyativ inanclara görə insanlar həyatlarına yön verirlər. Məsələn, bu sözü dedimsə, deməli bu hadisə baş verəcək və.s. Amma məntiqlə yanaşsaq, bu sözü dedim və buna görə filan hadisə başıma gəldi deyə düşünmək sadəcə olaraq özümüzə psixoloji təsir etmək deməkdir. Əvvəlki yaşam tərzinə baxsaq görərik ki, insanlar "üzr istəyirəm" sözünü də istifadə edirdi, müəyyən dərəcədə bəddua da edirdi, amma o həyat tərzi ilə uzun və xoşbəxt də yaşayırdılar. Amma bu günki insanlarmız ağızlarından çıxan hər kəlimə ilə kainata mənfi və ya müsbət enerji ötürdüklərini, bunun onların həyatına təsir edəcəyini düşünürlər. Hətta bəzən ölüm hadisələrini belə bu inanclarla əlaqələndirirlər. Bunların hamısının səbəbi yaşam koçlarının insanları manipulyasiya etməsi, şüuraltına belə inancları yeritməsidir. Mən məsləhət görürəm ki, insanlar özlərində hər hansı psixoloji problemlə üzləşsələr, peşəkar psixoloqlara müraciət etsinlər. Əks halda bu tip inanclarla sadəcə həyatlarını çətinləşdirəcəklər"

Çiçək Sadatova

Telegramda izləyin