Qadının sizi ciddi qəbul etmədiyini göstərən 6 ƏLAMƏT

O mehriban, zərifdir, vaxtınızı bir yerdə keçirirsiniz, amma nədənsə içəridə bir narahatlıq hiss edirsiniz. Düşünürsünüz: bu sadəcə onun ünsiyyət tərzidir, yoxsa siz onun üçün yalnız keçici bir variantsınız? Əgər bir qadın sizi ciddi münasibətlər üçün düşünmürsə, bunu onun davranışlarından başa düşmək olar.

Lent.az qadınlarla bağlı bu maraqlı məlumatları sizə təqdim edir:

1. Siz onun prioriteti deyilsiniz
Ekspertin fikrincə, bunu qadının davranışından aydın görmək olar. Siz daim onun sizə vaxt ayırmasını gözləyirsiniz.

"Əgər onun cədvəli həmişə doludursa və görüşlər yalnız ona rahat olanda baş verirsə, deməli, siz onun üçün birinci yerdə deyilsiniz", – deyə kouç izah edir.

2. O, sizi öz həyatına buraxmır
Siz onun planları, dostları və ailəsi haqqında demək olar ki, heç nə bilmirsiniz. Əgər siz bir neçə aydır görüşürsünüz, amma hələ də onun yaxın çevrəsi ilə tanış deyilsinizsə, bu, ciddi siqnaldır.

"Amma tələsik nəticə çıxarmayın. Bəzən qadın sadəcə sizə güvənmək üçün daha çox zamana ehtiyac duyur. Bu barədə sakit və səmimi şəkildə danışmaq lazımdır", – məsləhət görür mütəxəssis.

3. O, emosional yaxınlıqdan qaçır
Fiziki yaxınlıq mümkündür, amma söhbət hisslərdən və gələcək planlardan gedəndə ya mövzunu dəyişir, ya da zarafata salır.

4. O, qarışıq siqnallar verir
Bəzən çox maraqlı və qayğıkeş olur, bəzən isə tam laqeyd. Bir gün sizə sevgi dolu mesaj yazır, sonra isə bir neçə gün yoxa çıxır.

"Bu, çox zaman ‘isti-soyuq oyunu’dur. Bu, onun hisslərinə əmin olmadığını və ya ümumiyyətlə ciddi bir şey istəmədiyini göstərir".

5. Sizinlə gələcək planları qurmur
Birgə istirahət və ya hətta həftə sonu planları haqqında danışanda konkret cavabdan qaçır. Hətta razılaşsa belə, bunu istəksiz şəkildə edir.

6. O, hələ də başqalarını axtarır
Əgər o hələ də tanışlıq saytlarından istifadə edirsə, sosial şəbəkələrdə flirt etdiyi "dost"ları çoxdursa və ya sadəcə deyirsə: "Mən hələ ciddi münasibətlərə hazır deyiləm" – bu, onun sizi əsas namizəd kimi görmədiyini göstərir.

Nə etməli?
Özünüzə səmimi şəkildə sual verin: bu münasibət formatı sizi qane edirmi?

Onun davranışına bəhanə axtarmayın ("o sadəcə ciddi münasibətlərdən qorxur" – xeyr, qorxmur, sadəcə sizinlə istəmir). Əgər siz ciddi münasibət istəyirsinizsə bu barədə danışın. Əgər cavablar qeyri-müəyyəndirsə nəticə çıxarın.

"Ən önəmlisi – siz kiməsə ciddi münasibət üçün ‘layiq olduğunuzu’ sübut etməli deyilsiniz. Əgər qadın sizi gələcək partnyor kimi görmürsə, bu o demək deyil ki, siz sevgiyə layiq deyilsiniz. Sadəcə bu qadın sizin insanınız deyil".

Telegramda izləyin