"İran və Ermənistanın Azərbaycana yönəlik siyasəti tam çılpaqlığı ilə bəllidir" - DEPUTAT

Ermənistan və İranın xüsusi təyinatlı bölmələri birgə təlimlərə başlayıb.

Bununla bağlı Sonxeber.az-a danışan deputat Nəsib Məhəməliyev bildirib ki, İran və Ermənistan xüsusi təyinatlı qüvvələrinin birgə hərbi təlimlərə başlamasında qeyri-adi heç nə yoxdur:

"Mən burada təəccüblü bir şey görmürəm. Onlar strateji müttəfiqdirlər. Qlobal və regional siyasətə baxışları 100% üst-üstə düşür. Xüsusilə, hər iki dövlətin Azərbaycana yönəlik siyasəti tam çılpaqlığı ilə bəllidir. Burada diqqət çəkən əsas məqam ondadır ki, hazırki Ermənistan hakimiyyəti, sırf qərbyönümlü siyasət aparır. ABŞ-ı bu ölkədə hərbi-siyasi mövcudluğunu genişləndirməkdir. Ermənistan-İran sərhədində müasir dinləmə qurğuları yerləşdirilir. ABŞ-nın İrana qarşı son ultimatumları, İran ətrafında mühasirə halqaları yaratdığını nəzərə aldıqda vəziyyət tam aydınlaşır. Əgər, bu hərəkətləri Ermənistan yox, Azərbaycan etmiş olsaydı, heç şübhəsiz cənub qonşularımız bütün təbliğat maşını ilə, 30 il ərzində hazırladığı agentura şəbəkəsi ilə, ölkəmizi düşmən elan etmişdi. Molla rejiminin əsil riyakarlığı bundadır. Sülhdən, gecə-gündüz hər kəs danışa bilər. Hərənin sülhə baxışları fərqlidir. Əsas, əməldir və dövlətlərin beynəlxalq hüquqa münasibətidir. Ermənistanla İran mənfi beynəlxalq imicə, reputasiyaya malik ölkələrdir. Hər ikisi terroru dəstəkləyən, işğalçı, digər ölkələrin daxili işlərinə müdaxilə edən dövlət kimi tanınır. Əfsuslar olsun ki, tale bizə belə qonşular bəxş edib. Bizə düşən, tarixdən düzgün nəticə çıxarıb, istənilən ekstremal vəziyyətə hazır olmaqdır".

Telegramda izləyin