"Bir zamanlar "əcəb edirəm" ifadəsini işlətmək çox böyük ayıb olardı" - PSİXOLOQ

"Cəmiyyətdə elə insanlar var ki, "mən beləyəm", "mən buyam" deyə ifadə edir özünü. Amma, əslində özünü belə ifadə edən insanların özgüvənsizliyi və özünə qarşı aqressiyası var. Bu aqressiyanı da ətrafa qarşı özünü bu cür qorumaqla göstərir. Onların özünü olduğu kimi qəbul etməmək, cəmiyyətin onu olduğu kimi qəbul etməmək qorxusu var. Problemlərini müzakirə edə bilməmək və həlli yoluna gedə bilməmək kimi qorxusu var. Çünki, bu qorxuların məcmuəsində müzkariələr etdiyi zaman səhv olduğunu qəbul etməyi var. Bir insan səhv olduğunu qəbul etdiyi zaman, o, səhvini düzəltməlidir. Səhvini düzətmək, xarakterini dəyişmək hər adamın qaldıra biləcəyi yük deyil. İnsanlar qaldıra bilmədiyi yükə görə səhvini boynuna ala bilməməyi ətrafa qarşı bu cür aqressiya göstərməsinə səbəb olur (əslində, zəif olduqları üçün, həm də özlərinə qarşı aqressiyasını göstərərir)".

Bu Sözləri Sonxeber.az-a psixoloq Fərqanə Mehmanqızı danışıb.

O, açıqlamasında qeyd edib ki, "mən beləyəm" deyən narsistlə müzakirə aparmaq və ortaq məxrəcə gəlmək mümkün deyil:

"Bu kimi hallarda belə insanların aqressiyasına qarşı təmkinlə yanaşaraq, biz onu müzakirəyə dəvət etməliyik. Məsələn, narsist insanlarda belə xarakter varsa, o ifadəni istifadə edirsə, müdafiə strukturuna keçibsə, elə adamlarla artıq nəyisə müzakirə etmək mümkün deyil. Çünki, narsist insanlarla müzakirə apararaq, ortaq məxrəcə gəlmək mümkün deyil. Narsistlər, onsuzda, sizi manipulyasiya edəcək və yenə də günahkar, üzülən tərəf siz olacaqsız. Bir zamanlar "əcəb edirəm" ifadəsini işlətmək çox böyük ayıb olardı. Amma bu gün özgüvənlə, özünə hörmət etməklə, eqonu o qədər səhv salıblar ki, günümüzdə psixoloqlar özgüvən dedikdə, insanlar eqonu başa düşür. Amma özgüvən özündən də fəda etmək deməkdir və bu qarşılıqlı olduğu zaman çox gözəl münasibət yaranır. İstər cəmiyyətlə, istər şəxsi münasibətdə, istərsə də dost münasibətlərində heç vaxt eqolu insanlar qalib gələ bilməz. Özgüvən dedikdə "mən bu münasibətin məsuliyyətin daşıya bilərəm" kimi ifadələrlə yola çıxılmalıdır, "mən beləyəm", "sən məni belə qəbul etməlisən" vəs. ifadələr işlətməklə sağlam münasibət qurmaq mümkün deyil. Çünki bu özgüvənin yox, eqonun göstəricisidir. Belə insanlar özünə və ətrafındakılara zərər verir".

Vüsalə İbrahimli

Telegramda izləyin