Nazir müşaviri təyin olunan Orxan Fikrətoğlu köhnə vəzifəsində də qalacaq?

Orxan Fikrətoğlu Azərbaycan Respublikası Kino Agentliyində baş direktorun səlahiyyətlərini yerinə yetirməyəcək.

Oxu.Az-ın əldə etdiyi məlumata görə, o, yalnız mədəniyyət nazirinin müşaviri kimi fəaliyyət göstərəcək.

Sözügedən posta isə hələ ki təyinat yoxdur.

17:58

Mədəniyyət nazirinə yeni müşavir təyin olunub.

Oxu.Az xəbər verir ki, mədəniyyət naziri Adil Kərimlinin müvafiq əmri ilə bu vəzifəyə Əməkdar incəsənət xadimi, yazıçı, publisist Orxan Fikrətoğlu (Orxan Sadıqov) təyinat alıb.

O, Mədəniyyət Nazirliyinin fəaliyyət istiqamətləri üzrə bir neçə vacib sahənin koordinasiyasını həyata keçirəcək.

Qeyd edək ki, Orxan Fikrətoğlu uzun müddət müxtəlif media orqanlarında və bir sıra qurumlarda fəaliyyət göstərib.

Bu təyinatadək Mədəniyyət Nazirliyinin tabeliyindəki Azərbaycan Respublikası Kino Agentliyinin baş direktorunun səlahiyyətlərini müvəqqəti icra edib.

Telegramda izləyin