Azərbaycanda yüksək kredit faizlərinin gələcəyi: Dövlətin rolu və iqtisadi perspektivlər - AÇIQLAMA

"Ölkədə kredit faizləri, depozit faizlərindən birbaşa asılıdır. Azərbaycanda depozit faizləri 10–11%-dirsə, illik kredit faizlərinin daha aşağı çəkilməsi mümkün deyil. Depozit faizlərini aşağı çəkmək üçün, bu zaman Mərkəzi Bank uçot dərəcəsini də aşağı salmalıdır ki, bu da paralel olaraq kreditlərə təsir etsin".

Bu sözləri Sonxeber.az-a iqtisadçı ekspert Natiq Cəfərli danışıb.

O, açıqlamasında qeyd edib ki, dövlət, aqrar sahəyə və kiçik-orta sahibkarlara dəstək məqsədilə xüsusi bir bank yarada bilər:

"Bu isə eyni zamanda inflyasiyaya təsir göstərəcək və insanların valyutaya yönəlməsi artacaq. Yəni burada faizlərlə bağlı ciddi problemlər yaşanır. Ona görə də Azərbaycanda istehlak kreditləri daha çox populyarlaşır və bu, banklara da sərf edir. Çünki qısamüddətli və yüksək faizlə verilir. O ki qaldı sahibkarlara biznes və ya ipoteka kreditlərinin verilməsinə, onların faizi də yüksəkdir. Əsasən də kiçik sahibkarlara verilən biznes kreditlərinin müddəti azdır. Burada faizlərin yüksək olması kiçik və orta sahibkarlara sərf etmir. Bu vəziyyətdən çıxış yolu ondan ibarət ola bilər ki, dövlət, məsələn, aqrar sahəyə və kiçik-orta sahibkarlara dəstək məqsədilə xüsusi bir bank yaratsın. Bu bank uçot dərəcəsindən və depozit faizlərindən asılı olmadan birbaşa kreditləşməni həyata keçirə bilər. Bu, Çində geniş yayılmış metodlardan biridir".

Vüsalə İbrahimli

Telegramda izləyin